牀母

出自維基百科,自由嘅百科全書
跳去導覽 跳去搵嘢

牀母粵拼cong4 mou5;中古漢語拼音:zriang)係中古漢語聲母,係中古晚期聲母,屬齒音嘅正齒音,係全濁聲母。佢屬於三十六字母之一。佢嘅形成由兩部分組成,二等韻部分稱爲牀二,來自崇母,三等韻部分稱爲牀三,來自船母

喺音韻上,牀母同從母、澄母唔同,喺晚期中古音佢哋三組分立。到現代發音,佢仲係齒音,好似廣州話呢種唔分平捲脷嘅語言,牀母同從母、澄母發音一樣。對於梧州話呢種分平捲脷嘅粵語,牀母係捲脷音(發成舌葉或者舌面音),同從母(脷尖音)唔同。喺普通話牀母基本上係捲脷音,同從母嘅平脷音唔同。