狄達

狄達（英文：Tiktok，1993年 3月24號—），原名楊燕玲（英文：Alice Yeung），係現居臺灣嘅香港女藝人，主要做緊YouTuber分享喺臺灣嘅生活。

簡歷

狄達喺香港出世。佢中學讀李求恩紀念中學，屬新高中學制下頭一批學生，中五決定退修生物科，轉修應用學習嘅電影及錄像設計課程，畢業後加入咗香港電視網絡做副導演，做咗兩年後，由於港視未獲政府發放免費電視牌照，佢決定升學，自2014年開始移居臺灣留學，大學讀台灣藝術大學電影系^[3]。

佢曾經同一個都係臺灣留學嘅馬來西亞華人「西西歪」合作經營YouTube頻道「甜度冰塊」，而家主力經營自己嘅YouTube頻道。