獨居老人
獨居老人，亦叫獨居長者，係指單身一人或者夫妻兩人孤獨居住嘅老人家，係現今社會問題之一。
獨居老人可能因喪偶或者無後代而獨居，亦可能因為仔女住喺其他地方而獨居。喪偶老人可以叫做鰥寡老人，而屬於後一種情況嘅老人家中國大陸又叫做空巢老人。隨住人口老化，空巢老人已經成為中國大陸社會問題之一，通常面臨比其他人嚴重心理問題[1][2]。喺高齡化嘅日本，獨居老人同樣嚴重，甚至出現好多孤獨死事件。
喺西方，由於流行核心家庭，成年仔女好少同父母同住，老人獨居好常見。無仔女獨居長者一般處於社會弱勢，唔單只面對心理問題，經濟上亦往往面對困難。一啲獨居老人喺死咗幾日後先被發現。歐盟有對獨居長者嘅強制走訪制度，但係台灣等地依家仲未有噉嘅制度[3][4]。
空巢老人係指缺乏子女照顧嘅老人家，佢哋可以係單居或者夫妻雙居。中國大陸嘅空巢老人大致上可以分為三類，第一類係無仔無女無老伴嘅孤寡老人、第二類係有仔女同佢哋分開單住嘅老人，第三類就係仔女喺外地，好難成日返家鄉成日照顧佢哋。
國務院2017年公佈嘅《「十三五」國家老齡事業發展和養老體系建設規劃》指出，預計到2020年，全國60歲以上老年人口將會增加至2.55億人左右，獨居同空巢老年人將增加到1.18億人左右。隨住內地老齡人口不斷增長，空巢家庭亦會相應增加。
詞語辨析
[編輯]古代「孤」同「獨」唔同義，例如《禮記‧禮運‧大同篇》：「故人不獨親其親，不獨子其子。使老有所終，壯有所用，幼有所長，鰥寡孤獨廢疾者皆有所養」當中「孤」係「幼年喪父或者父母雙亡」，即係孤兒[5]；「獨」是「老而無子」[6]。
睇埋
[編輯]參考
[編輯]- ↑ 〈比悲傷更為悲傷的故事：空巢老人的孤獨世界〉。《新華網》。原著喺2018-12-21歸檔。喺2018-12-21搵到。
- ↑ 張國平 (2015-12-01)。《農村老年人居家養老服務體系研究》。頁 107。ISBN 978-7-5161-7479-1。
- ↑ 朱國鳳 (2018-04-20)。《沒想到…我會變得這麼弱？: 長照的9大難題，要在變弱前開始求解》。時報文化出版。頁 157。ISBN 978-957-13-7245-7。
- ↑ 經典雜誌 (2006)。《台灣慈善400年》。Rhythms Monthly。頁 212–。ISBN 978-986-81419-7-1。
- ↑ http://dict.concised.moe.edu.tw/cgi-bin/jbdic/gsweb.cgi?ccd=d6rMEM&o=e0&sec=sec1&op=v&view=1-1
- ↑ http://dict.concised.moe.edu.tw/cgi-bin/jbdic/gsweb.cgi?ccd=F6zKEK&o=e0&sec=sec1&op=v&view=0-1
 |