珍寶王國
(由珍寶海鮮舫跳轉過嚟)
珍寶王國（Jumbo Kingdom）係香港兩隻畫舫酒樓統稱，分別係珍寶海鮮舫（Jumbo Floating Restaurant）同太白海鮮舫（Tai Pak Floating Restaurant），以前重有海角皇宮（Sea Palace Floating Restaurant）。佢哋泊響香港仔東南面、深灣對出海面，係香港其中一個出名食海鮮嘅地方。依家係新濠國際嘅成員之一。
珍寶海鮮舫自2020年3月3號停業，同年11月施政報告入面講到業主肯將海鮮舫免費捐畀海洋公園配合「躍動港島南」旅遊項目，但2021年底海洋公園以搵唔到第三方幫手營運做理由唔接受捐贈。業主喺2022年5月以泊位牌照就快到期需要安排檢查維修做理由，計劃6月拖離香港，雖然坊間有聲音要求政府介入保留，但政府認為無噉嘅需要，業主最終喺6月14號安排拖走。到6月20號，業主公佈珍寶海鮮舫已經喺6月19號喺西沙群島一帶嘅南海海域因為遇到風浪而出事——所公開嘅消息模糊甚至可能涉及誤導，外界普遍相信佢指架嘢已經沉入千米深嘅海底。後嚟香港海事處澄清，話其實只係半浮半沉。船主跟住話想揾人去現場鑿爛，整到佢完全沉沒。事件令公眾質疑船主冇誠信。
太白海鮮舫雖然都一樣停業，但依然停泊喺原位。
濕碎事
[編輯]荷蘭阿姆斯特丹海上皇宮（Sea Palace）都係照住珍寶王國嚟起。
睇埋
[編輯] |