甘棠

甘棠，詩一首，收入《詩經》，召南之下，周時之作。詩講召伯，即召公奭，同周公一齊輔政，初封在召國，東征後子孫去郾國，佢留鄗京，輔助周天子。

按《史記》燕召公世家，召公會四處視察民情，聽人訴說，處事公正。詩中講甘棠樹下，召公聽民做事，愛民。眾人思念召公，叫人唔好毁傷甘棠，唔好剪，唔好斬，唔好拗，唔好整彎。甘棠時時畀後人引用，又借來起名。

詩

詩好簡單，只有三句，一共二十四字。

蔽芾甘棠，勿翦勿伐，召伯所茇。
蔽芾甘棠，勿翦勿敗，召伯所憩。
蔽芾甘棠，勿翦勿拜，召伯所說。

蔽芾，讀閉費，茂盛樣，樹盛遮陰，枝葉遮到好似着裙咁及膝。

甘棠，李時珍《本草綱目》叫棠梨，又叫杜梨，落葉喬木，會結梨。

相關成語

甘棠之愛，講民愛戴官。

甘棠遺愛，官離去後，人懷念佢愛民。

如《香港雜記》寫，「堅利德，於一千八百七十二年，至一千八百七十六年，時爲本港督憲，多善政，後人思其遺愛，題錢以鑄其生像，用表甘棠之愛，其像俯視水景，鬚眉活現。」

睇埋

人名

• 何甘棠，香港富商
• 巴金，中國作家，原名李堯棠，字芾甘。

地方

• 甘棠第，何甘棠舊日所住嘅大宅。