香港雜記

出自維基百科,自由嘅百科全書
Jump to navigation Jump to search

香港雜記》,係首本用唐字寫嘅香港,由陳鏸勳所著。本書出版時,係大清末葉。光緒二十年,卽係甲午年,一八九四年,香港中華印務總局印仿聚珍板。內容講及香港當時概況,以及開港史。書分十二章,分別係地理形勢、開港來歴、國家政治、稅餉度支、中西船務、中西商務、中西醫所、民藉練兵、街道樓房、水道暗渠、華英書塾同埋港則瑣言。作者引用英人沙拔日記,亦有自已實地考察,同引用香港政府統計

寫書之時,香港只包括香港島九龍半島昂船洲。而新界,包括新九龍部份,係由廣東省廣州府下,新安縣九龍司所轄。

出版時,安撫華民政務司搵過陳鏸勳傾過,要執過幾個字眼,如唔可以用江寧條約所禁嘅夷字,英皇后要更正做英皇帝,同埋中廷抬頭,英廷都要抬頭。本書並未改字,但另印更正明示。可見本書係香港出版。

狀況[編輯]

該仿聚珍板,現存於香港大學。書中稱附十五圖,之不過,香港大學嗰本從缺。圖書館亦有流傳影印本。

中國廣東暨南大學出版社,出有《嶺南叢書》,當中有《香港雜記》。出版時爲,一九九六年,用簡化字重排,叫《香港雜記(外二種)》。排版時,文亦由直書改成橫書。文由莫世祥校注,有改字,亦有斷句,兼加標點。書中亦附有九龍寨城文案同節錄時人有關香港嘅遊記

出面網頁[編輯]