田登

田登係北宋一個臭名遠播嘅州官。佢覺得佢個名係寶，所以唔畀人叫做阿登；因為登同燈同音，就連夜晚點燈，都唔畀話點燈，只可以話點火。如果邊個唔覺意講咗個登字或者係近音字，噉嗰個人就有侮辱地方長官嘅罪，重嘅要判幾年監，輕嘅都要打幾十板屎窟。有一年上元節，其中有種節目叫做放花燈。放燈之前，照例由地方官府，貼出告示公文，都寫住：「本州依例放火三日」。呢啲告示貼滿晒大街小巷，外地遊客唔知有避諱呢回事，見到張告示個個嚇餐死，以為呢個州放火係種習俗。事後，啲人都挖苦話：「祗準州官放火，唔畀百姓點燈。」後來呢兩句話就成為咗成語，諷刺在上位者任意亂嚟，而限制在下位者嘅自由。