疊碼仔

出自維基百科,自由嘅百科全書
跳去導覽 跳去搵嘢

疊碼仔(粵拼:daap6 ma5 zai2;法律稱呼:博彩中介人合作人[註 1](葡文:colaborador de promotor de jogo[2]))多數指班喺澳門撈賭嘅人,佢哋家陣主要負責拉啲大客去賭場當中嘅賭廳入面賭錢[3]其間往往會越境跨國。[4]疊碼仔之前身為工作較為簡單嘅進客[5]有唔少職務與上述者只算類似嘅人,服務緊其他地方嘅賭場;[6]「疊碼仔」由於太流行,變埋對於佢哋嘅普遍叫法。[7]

字詞[編輯]

「疊碼仔」嘅女性專用稱呼係女疊碼[8](仔[9]疊碼妹[10](粵拼:daap6 ma5 mui1)。

賭場會用低過面額些少嘅價錢,賣泥碼[註 2]畀疊碼仔。陪賭嘅時候,疊碼仔通常會用面額價賣泥碼畀賭客,等佢哋用來賭錢。[12]疊碼仔喺賭場同埋賭客中間交易,收走真銀或者現金碼,再派出泥碼,會賺到差價(俗稱碼佣碼糧)。[13]呢個誘因驅使疊碼仔盡量令賭客落親注都用泥碼,於是就會頻頻左換右換,渠哋個名就係由爾啲將一疊疊籌碼舞來舞去嘅動作而來。[14]

「疊碼仔」有好多寫法:有人將「疊」寫成「沓」或者「叠」;「碼」寫成「馬」。

有種職業叫做扒仔,因應語境如何,「扒仔」及「疊碼仔」嘅意思可能相近,亦可以迥異——會喺下面兩節略為説明。[15]

近來[編輯]

澳門[編輯]

理論上,要向政府攞咗牌,先至可以成為疊碼仔,得冇刑事紀錄嘅人合資格,縱使事實上有唔少人無牌執業;[16]佢哋嘅主要任務係揾大客,帶入去賭場之中嘅賭廳賭錢;[17]途中有得抽佣落袋,尤其是喺換泥碼呢個步驟。[18]廳主經常會以泥碼形式向賭客放貸,而疊碼仔好多時要為此作擔保及負責追債[註 3][20]疊碼仔亦提供種種相關服務,有啲重係一條龍式嘅添。[21]部分疊碼仔,特別係無牌嗰啲,重會以派發高利息作招徠,吸引人哋儲錢落去自己個賭廳户口道,作為佢哋借廳主名義,向賭客借出泥碼嘅資本,或者用嚟為收唔返嘅賭債填氹;[22]噉樣做嘅人通常唔會俾政府阻止,不過有大把搞到資不抵債,結果俾廳主或存款者等債主收拾,再唔係就着草避禍。[23]至於扒仔,就係專喺賭場之中或附近揾目標,呃呃啗啗,不擇手段,大小通吃嗰班。[24]

星加坡[編輯]

當地嘅賭場入面,並冇見於澳門嘅賭場之內嗰啲賭廳;[25]然而有唔少與之相似嘅營商手法都會被用到,不過博彩公司往往會將實情遮遮掩掩。[26]博彩公司會自行及經賭場中介,招攬外國有錢人去幫襯,而賭場入面亦有啲只服待貴客嘅區域;[27][28][29]兩者亦會向賭客借出泥碼[註 4],追債時可能會喺外國法院興頌。[31]博彩公司重會使佣金,請旅行社將泥碼買賣撈入旅行團生意之中,帶啲外國嘅普通人去賭場道落注。[32]外地有時會將當地嘅賭場中介稱為疊碼仔。[33]「扒仔」唔用於形容喺該國活動嘅人,縱然的確有人做其常做之事,尤其是𢲷貼士同幫大耳窿揾客。[34][35]

香港[編輯]

「疊碼仔」嘅意思頗為含糊,任何幫賭錢生意拉客嘅人,都可能被稱之為此。喺當地,得香港賽馬會准開賭,而又冇請中介人做幫手;[36]不過,都有爾種人揾食——啗人過大海、上賭船、幫襯賭錢網站同埋賭檔,以及幫外圍賭局揾賭仔;[37]有傳媒亦會當兑分仔係種疊碼仔。[38]「扒仔」甚少攞嚟形容身處此地嘅人。

美國[編輯]

澳洲[編輯]

過去[編輯]

「疊碼仔」同「扒仔」幾乎係同義詞;都會用種種手段由賭客身上賺錢,合法同犯法嘅嘢都會做;一般只適用於澳門。[39]香港、台灣及大陸嘅傳媒,有唔少到咗今日依然唔會區分上述兩者;[40]亦有時會以「疊碼仔」泛指任何從事「博彩中介」呢個行業嘅人,唔限地域。[41]

附註[編輯]

  1. 喺澳門法律術語之中,「疊碼仔」叫做「博彩中介人合作人」,「賭廳廳主」先至係「博彩中介人」。[1]
  2. 泥碼只可以用來落注;現金碼可以要來換返與其面額一樣嘅真銀。用泥碼賭,進賬部分用現金碼派,損失嗰忽由泥碼度扣——並唔係收澌啲泥碼,再齋派現金碼。[11]
  3. 疊碼仔無權做放數生意,然而佢哋當中不乏踩界者及過界者。[19]
  4. 喺呢啲噉嘅借貸當中,有時候雖然名義上嘅債主係博彩公司,但係事實上嘅債主可能係/包括賭場中介。[30]

參考[編輯]

  1. "澳門博彩法系列七:中介人、合作人及承批公司之責任". 亞博匯 (中文). 2022-03-17. 喺2022-05-04搵到.
  2. https://www.dicj.gov.mo/web/files/licensing/formColabPromJogos.doc
  3. "存档副本" (PDF). 原先內容歸檔 (PDF)喺2021年8月6號. 喺2021年8月6號搵到.
  4. "【封面报道】澳门赌业资金链". weekly.caixin.com. 原先內容歸檔喺2021-08-07. 喺2021-08-07搵到.
  5. "湯文亮﹕與物業代理相比 太睇低疊馬仔 - 20170928 - 報章內容". 明報財經網 (英文). 喺2022-05-06搵到.
  6. "賭城澳門化吸亞洲客或損治安". 太陽報 (中文). 喺2022-05-06搵到.
  7. "美賭城救亡 引入疊碼仔 - 東方日報". orientaldaily.on.cc. 喺2022-05-06搵到.
  8. "女疊碼叱咤賭船掀風暴". Apple Daily 蘋果日報 (中文). 原先內容歸檔喺2020-10-12. 喺2020-10-12搵到.
  9. "兩刀客狂斬女疊碼仔". Apple Daily 蘋果日報 (中文). 原先內容歸檔喺2020-10-12. 喺2020-10-12搵到.
  10. Chiu, Clifford (2019-01-13). "三女疊碼佯稱不抽息設局氹借貸 趁半醉賭仔斷片呃佣撻碼終落網". Allin News (中文). 原先內容歸檔喺2021-07-28. 喺2021-07-28搵到.
  11. "Business Intelligence Monthly Magazine - 賭廳"碼佣"之爭的背後". www.bizintelligenceonline.com. 喺2022-05-05搵到.
  12. theinitium.com https://theinitium.com/article/20220105-macau-gambling-industry-downfall/. 喺2022-05-04搵到. Missing or empty |title= (help)
  13. "Business Intelligence Monthly Magazine - 政府喝停"碼傭戰"". www.bizintelligenceonline.com. 喺2022-05-17搵到.
  14. http://journal.ipm.edu.mo/images/journal_c/2016_4/201604-034-043.pdf
  15. Zuosiyouwu; 左四右五 (2016). Aomen wang shi zhi gu zhu yi zhi (第Di 1 ban版). Beijing. ISBN 978-7-5169-0700-9. OCLC 958119278.
  16. wauadmin. "「疊碼仔」需持牌上崗 但可由非澳門居民擔任" (中文). 喺2022-05-04搵到.
  17. "【封面报道】澳门赌业面临第二次转型". weekly.caixin.com. 原先內容歸檔喺2021-08-07. 喺2021-08-07搵到.
  18. "【一周必看】 叠馬仔試過日賺2百萬". Apple Daily 蘋果日報 (中文). 原著喺2021-06-21歸檔. 喺2020-10-12搵到.
  19. "澳门博彩业中期检讨的几个问题 - 中国知网". kns.cnki.net. 喺2022-05-05搵到.
  20. wauadmin. "廢止中介人借貸制度有利於維護國家安全" (中文). 喺2022-05-04搵到.
  21. "何謂博彩中介人? - 香港經濟日報 - 知識庫 - 金融財經". service.hket.com. 喺2020-10-15搵到.
  22. 李宇樑 (2019). <>. 澳門日報出版社. ISBN 9789996548475. OCLC 1268291249.
  23. "高息吸金轉投賭廳 「叠碼當舖」勢掀集資爆煲潮 - 樂在澳門 - 澳門快訊". 東周網【東周刊官方網站】Eastweek.com.hk (中文). 喺2022-05-04搵到.
  24. 魯嘉裕 (2018-11-07). "【澳門風雲】博彩業規範化 叠碼仔變正行 未趕絕「扒仔」成隱患". 香港01 (中文). 喺2020-10-12搵到.
  25. "东南亚赌场靠VIP"外资"发财 中国豪客呈下降态势". world.huanqiu.com. 喺2022-05-06搵到.
  26. Am, 来自 / 联合早报 发布 / 2019年1月30日 3:30. "王志才:赌债已通过中介交涉还清 | 早报". www.zaobao.com.sg (中文). 喺2022-05-08搵到.
  27. "Game changers". IAG (英文). 2020-01-27. 喺2022-05-06搵到.
  28. "風雲變幻". 亞博匯 (中文). 2020-01-27. 喺2022-05-06搵到.
  29. "ゲーム チェンジャー". IAG Japan (日文). 2020-02-09. 喺2022-05-06搵到.
  30. "新加坡金沙追賭款249萬 被告指債主是疊碼仔". on.cc東網 (中文). 2017-11-13. 喺2022-05-06搵到.
  31. "High-rollers from China make Singapore casinos see red". Reuters (英文). 2013-04-10. 喺2022-05-06搵到.
  32. "賭風襲南馬(四)‧買泥碼換好康‧旅行社免車費搶客". 光明日报 (中文). 2011-10-03. 喺2022-05-09搵到.
  33. "遭新加坡金沙追討274萬 反駁稱欠「疊碼仔」非賭場 港債仔以「誰是債主」抗辯". 東方日報 (中文). 喺2022-05-06搵到.
  34. "賭風襲南馬(一)‧阿龍賭到妻離子散‧砍指騙保險金還債". 光明日报 (中文). 2011-09-30. 喺2022-05-09搵到.
  35. "賭風襲南馬(二)‧揹單肩包不下注‧阿窿巡場找顧客". 光明日报 (中文). 2011-10-01. 喺2022-05-09搵到.
  36. "何謂非法賭博 | 有節制博彩 | 香港賽馬會". www.hkjc.com. 原先內容歸檔喺2020-10-12. 喺2020-10-10搵到.
  37. "專題:機舖變賭場 IVE生輸到借貴利". Apple Daily 蘋果日報 (中文). 原先內容歸檔喺2020-10-12. 喺2020-10-12搵到.
  38. "疊碼仔殺入機舖". 太陽報 (中文). 原先內容歸檔喺2020-10-12. 喺2020-10-12搵到.
  39. "新京报 - 好新闻,无止境". www.bjnews.com.cn. 喺2022-05-05搵到.
  40. "澳疊碼仔網騙港客 貸款賭博揹巨債". Sing Tao Daily 星島日報加拿大 (中文). 2019-05-17. 喺2022-05-05搵到.
  41. "信報即時新聞 -- 【EJFQ信析】博彩業風險未除 濠賭股趁彈沽貨". 信報即時新聞. 喺2022-05-05搵到.