白中仁
白中仁（1960年9月—2014年1月4號）係中國中鐵執行董事、總裁，高級工程師，陝西合陽縣王家窪鄉伏蒙村（家下屬於百良鎮）出世。
1983年9月，白中仁喺蘭州鐵道學院（家下蘭州交通大學）畢業，之後分到鐵道部第一勘測設計院（家下中鐵第一勘察設計院），從事鐵路勘測同埋設計嘅工作，先後參與咗侯月鐵路、寶中鐵路、神朔鐵路、朔黃鐵路、西康鐵路、西合鐵路、西韓鐵路、西延鐵路、神延鐵路等十幾條中國幹線嘅勘測同埋設計[1]。
2007年9月，白中仁做咗中國中鐵執行董事，2010年6月做公司總裁。2014年1月，中國中鐵發公告話白中仁喺2014年1月4號因為意外過身[2][3]。
攷
[編輯]- ↑ 〈白中仁-陕西省合阳县人民政府〉 (中國中文)。合陽縣人民政府。原著喺2019年8月19號歸檔。喺2014年1月6號搵到。
- ↑ 〈"家中发生意外" 53岁中国中铁总裁逝世〉 (中國中文)。新華網。
- ↑ 〈中国中铁股份有限公司 重大事项公告〉 (PDF) (中國中文)。中國中鐵股份有限公司董事會。2014-01-06。原著 (PDF)喺2016-03-04歸檔。喺2014-01-06搵到。
 |