陰毛

男人（左）同女人（右）嘅陰毛

陰毛（英文：pubic hair）係生喺陰部同埋大髀內側周圍嘅毛，男女都會有。

生長

由正面、側面同背脊睇男人嘅陰毛分佈

人嘅陰毛由青春期開始出現，男仔大約介乎10至14歲、女仔約介乎9至14歲。大個之後男人嘅陰毛主要生喺條脧對上以及膥袋外面，女人嘅主要生喺陰唇對上位置。

文化

因為著比堅尼游水裝可能會露出部份陰毛，脫毛行業會將呢個部位叫比堅尼位，過程叫比基尼脫毛。但有女仔全脫陰毛後，發現屙尿嘅時候尿束會亂散唔再集中，甚至會流落大脾，所以相信女仔陰毛有引導尿束嘅功能。

響俗語嚟講，無陰毛嘅男人叫青龍男；無陰毛嘅女人叫白虎女‎。