白起

白起

白起（前332年—前257年）戰國時期秦國人，軍事家兼名將。由於佢做將軍三十年嚟，幫秦國攞咗三十座城池，殺左百萬敵軍兼無輸過一場仗，所以被封做武安候。佢同王翦，李牧，廉頗合稱「戰國四大名將」。

佢憑係長平之戰活活坑死趙軍，只放後生士兵回國而出名。後來因為功高被秦昭襄王被逼自殺。

關於佢嘅身世，有人話佢嘅祖先係秦穆公嘅時期嘅白乙丙將軍。白乙丙嘅後代都姓白，而白起係佢嘅後人。但係唐朝詩人白居易卻話係白姓先祖世系嘅《故鞏縣令白府君事狀》記載過白起嘅祖先係楚國嘅公族白公勝。由於白公勝謀反失敗所以自殺，佢嘅仔就逃咗去秦國，世世代代都係秦國做將軍，所以白起係佢嘅後代。