百事侵略者

出自維基百科，自由嘅百科全書
百事侵略者
Pepsi Invaders
《百事侵略者》卡帶封面
類型固定射擊
平台雅達利2600
整雅達利
發行可口可樂公司
設計師克里斯托弗·奧馬祖（Christopher Omarzu）[1]
模式單人
發行日期1983年

《百事侵略者》（英文：Pepsi Invaders）係一隻由雅達利開發、可口可樂公司喺1983年雅達利2600平臺到發行嘅固定射擊遊戲，係1978年遊戲《太空侵略者》雅達利2600版嘅重製版本。玩家要操控喺螢幕底部嘅雷射砲射低上邊入侵嘅敵人，而啲敵人就包括串出「百事」（Pepsi）嘅英文字母。玩家有三分鐘嘅時間限制，不過有無限條命。

《百事侵略者》被稱為廣告遊戲嘅早期代表作。可口可樂公司喺1983年嘅銷售會議將呢個作品送畀公司高層，希望可以提高士氣，不過大部分人因為無興趣無接受到贈品。本作以雅達利2600平臺上最稀有嘅遊戲聞名，據稱發行量只有125份，歷來喺各種線上拍賣網站到都賣到好價錢。

概要[編輯]

《百事侵略者》遊戲畫面截圖

《百事侵略者》係隻固定射擊遊戲，係1978年遊戲《太空侵略者》雅達利2600版嘅重製版本。玩家要操控喺螢幕底部嘅雷射砲射低上邊入侵嘅敵人，原著入面每行6個外星人改咗做P、E、P、S、I五個英文字母（「百事」嘅英文名）再加一個作著嘅外星人；另外，喺螢幕頂部郁嘅太空船都改咗做百事嘅 logo[2][3]。原著入面玩家無時間限制，但係有接關次數嘅限制；喺本作入面，玩家有三分鐘嘅時間限制，不過有無限條命。玩完之後，螢幕上邊會顯示「COKE WINS」（可樂贏咗）。另外，地面嘅顏色亦都改咗做可口可樂嘅顏色[4]。

由於《太空侵略者》雅達利2600版嘅移植人員 Rick Maurer 因為金錢問題離職，雅達利將《百事侵略者》嘅開發工作交咗畀 Christopher Omarzu[1][5]。可口可樂公司喺1983年嘅銷售會議到送咗本作再加部雅達利2600主機畀與會嘅125位公司高層，希望可以提升士氣，不過大部分人因為無興趣無接受到贈品[4][1][6][7]。

開發人員 Omarzu 本人曾經嗌錯咗隻 game 做《可樂贏咗》（Coke Wins）同《可樂侵略者》（Coke Invaders），廣為流傳[1][5][8]。

評價同影響[編輯]

作家 Matthew S. Eastin 話《百事侵略者》係「廣告遊戲」（advergame[註 1]）嘅早期代表作，而且佢攻擊競爭對手嘅意味大過廣告意義[9]。《衛報》將《百事侵略者》納入最佳植入式廣告電子遊戲清單入面，亦都認為係廣告遊戲嘅早期代表作，又話係「惡作劇」式嘅行銷手法[10]；《PC Format》就認為呢個行銷策略好明智，又將佢同真人騷《誰是接班人》做比較[11]；《Retro Gamer》就批評本作嘅敵人唔識好似原作《太空侵略者》咁向下郁[12]。

《百事侵略者》嘅卡帶係黑色，無外部包裝；因為係專為參與1983年銷售會議嘅公司高層製作，本作嘅發行量據講只有125份[4][13]。《百事侵略者》依家已經成為電子遊戲收藏家眼中炙手可熱嘅目標，喺eBay試過賣到1,825美元嘅高價[7][14]。

註釋[編輯]

  1. ↑ 即係「廣告」（advertisement）同「遊戲」（game）嘅合成詞。

參考資料[編輯]

  1. ↑ 1.0 1.1 1.2 1.3 "Coke Wins: The True Story!". Digital Press (英文).第46號. p. 4. 原著喺2019-09-13歸檔. 喺2020-01-18搵到. {{cite magazine}}: Unknown parameter |dead-url= ignored (|url-status= suggested) (help)
  2. ↑ Carless, Simon (2007-05-13). "The Rarest Atari 2600 Games... Evah!" (英文). GameSetWatch. 原著喺2019-01-13歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
  3. ↑ "Atari 2600: Pepsi Invaders - Coke Wins" (英文). MobyGames. Internet Archive. 2013-12-25. 原著喺2019-01-13歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
  4. ↑ 4.0 4.1 4.2 Bogost, Ian (2007). Persuasive Games: The Expressive Power of Videogames (英文). Cambridge, Massachusetts: MIT Press. pp. 276－277. 391. ISBN 9780262026147. {{cite book}}: Unknown parameter |deadurl= ignored (|url-status= suggested) (help)
  5. ↑ 5.0 5.1 "Attack of the Space Mutants". Retro Gamer (英文).第41號. 2007–09. p. 26.{{cite magazine}}: CS1 maint: date format (link)
  6. ↑ Grace, Lindsay (2019). Doing Things with Games: Social Impact Through Play (英文). CRC Press（英文：CRC Press）. p. 127. ISBN 9780429771316. 原著喺2022-01-09歸檔. 喺2020-01-18搵到. {{cite book}}: Unknown parameter |deadurl= ignored (|url-status= suggested) (help)
  7. ↑ 7.0 7.1 Reiner, Andrew (2009-09-27). "A Fortune In Pixels!" (英文). Game Informer. 原著喺2019-08-24歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
  8. ↑ Atwood, Brett (1996-03-30). "PC Users Gobble Up Pac-Man, Classic Games". 《Billboard》 (英文). p. 124.
  9. ↑ Eastin, Matthew S. (2010). Handbook of Research on Digital Media and Advertising: User Generated Content Consumption: User Generated Content Consumption (英文). IGI Global（法文：IGI Global）. p. 438. ISBN 9781605667935. 原著喺2022-01-09歸檔. 喺2020-01-18搵到. {{cite book}}: Unknown parameter |dead-url= ignored (|url-status= suggested) (help)
  10. ↑ Freeman, Will (2014-07-23). "Six of the best product placements in video games" (英文). The Guardian. 原著喺2019-08-17歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
  11. ↑ Gera, Emily (2010-08-22). "The many faces of in-game advertising". PC Format（英文：PC Format） (英文). TechRadar（英文：TechRadar）. 原著喺2019-08-17歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
  12. ↑ Maris, Peter (2011-01-20). "Pepsi Invaders" (英文). Retro Gamer. 原著喺2015-08-03歸檔. 喺2019-08-22搵到. {{cite web}}: Unknown parameter |dead-url= ignored (|url-status= suggested) (help)
  13. ↑ Bogost, Ian (2007-11-17). "Early Advergames, part IV" (英文). Kotaku Australia. 原著喺2020-12-25歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
  14. ↑ Quilty-Harper, Conrad (2005-10-18). "Atari game sells for $2,000 on eBay" (英文). Engadget. 原著喺2016-01-14歸檔. 喺2020-01-18搵到. {{cite web}}: Unknown parameter |dead-url= ignored (|url-status= suggested) (help)
由「https://zh-yue.wikipedia.org/w/index.php?title=百事侵略者&oldid=1988223」收