百寶袋（日文：四次元ポケット）全名「機械人專用第四度空間内藏神奇法寶口袋」，係日本動畫《多啦A夢》入面嘅一樣嘢，通常黐喺可讓多啦A夢個肚度，可以放嘢入去同拎嘢出嚟，多啦A夢大部份法寶都收埋喺呢度。由於個袋係連接四次元世界，所以可以擺無限咁多嘢，而擺喺入面嘅嘢叫法寶。
當用嘅人將手放入百寶袋，個袋會按照佢嘅思想將佢想要嘅法寶送到嗰個人嘅手上。所以如果用嘅人心神混亂，就會好似多啦A夢咁，搵出一堆唔關事嘅嘢。
多啦A夢亦有一個後備百寶袋，兩個袋係相通嘅，後備百寶袋通常都放喺多啦A夢嘅枕頭底，有時大雄會偷偷哋攞嚟用。
