百萬富翁

百萬富翁係指擁有價值超過百萬錢（如果無特別講明，好多時都指美金）資產嘅人。隨住經濟發展令通漲持續咁出現，百萬富翁嘅人數有升嘅趨勢。2013年底，全世界有超過1,400萬個百萬富翁（美金計），當中美國最多，有成400萬個，而如果用單一城市計，就係英國倫敦最多。

方法

喺廿一世紀初嘅世界，證券係最受歡迎嘅投資方式之一。事實係有報告指，買賣股票係做百萬富翁其中一種最常見嘅方法；好多人都會揸住股票等嘅證券，等自己嘅儲蓄越轆越大，而市面上仲有 apps 專門設計嚟畀人買賣股票，提供埋「畀人用虛擬嘅錢練習買賣」等嘅功能。

睇埋

• 有錢人（富翁）
• 中產