盛女愛作戰

《盛女愛作戰》係香港無綫電視拍攝製作嘅真人實境騷節目，亦係編審／編導岑應嘅真人騷節目系列之一，全節目共10集，由蘇玉華負責旁白，2012年播出。節目以探討香港單身女性、「港女」現象同埋男女關係作主題，「中女」、「剩女」等30歲以上香港未婚女性數字不斷上升嘅社會現象。

網上討論

『導師』郭政彤被揭荒唐生活同歷史

節目入面嘅導師之一郭政彤，喺節目播出期間，曾經被揭過去嘅荒唐生活，然後佢回應嘅時候，又聲稱有50個親密女友，曾經同時「腳踏五船」，引起社會唔少迴響。另外，佢喺節目入面提出嘅「45度角」理論亦被其他心理專家指出毫無科學依據。之後，佢又被揭發早兩年參加無綫節目《十分試愛》入面，以「怕醜仔」自居，從事辦公室行政工作，報稱拍拖兩次就俾人飛兩次，之後反而變身兩性專家，說法前後唔一樣，令網友質疑。