盧思位
| 盧思位 | |
|---|---|
 | |
| 英文名 | Lu Siwei |
| 出世 | 1973年（50–51歲） |
| 職業 | 人權律師 |
| 配偶 | 張春曉 |
盧思位（1973年—）係一位中國好出名嘅人權律師，嚟自四川省。佢曾經有份搞過好多單同政治異見人士有關嘅敏感案件，亦都因為咁而出咗名。佢有參與嘅案件包括：六四酒案、成都「四君子」案[a]、12港人案、同埋唔同嘅「煽動顛覆國家政權案」，例如余文生、王藏、覃永沛、同陳家鴻等等。後嚟，佢因為律師工作嘅關係，畀政府吊銷咗佢嘅律師證同埋嚴密咁監控住佢[1]。
歷史
[編輯]律師工作
[編輯]2020年6月，余文生律師因為煽動顛覆國家政權罪成，畀徐州市嘅中級法院判咗四年監。盧思位律師作為二審嘅辯護人，有份參與辯護嘅工作，而佢亦都有同北京律師藺其磊合作[1]。
2020年8月，有12位香港社運人士畀深圳公安扣押喺鹽田嘅看守所度，盧思位曾經探過佢哋，跟住幫佢哋提供法律援助[2]。喺2021年年頭，四川省嘅司法廳以盧思位違反咗職業操守、同埋喺網上發表言論「對社會產生負面影響」做理由，吊銷咗佢嘅律師執照[3]。盧思位喺12港人案入面做咗喬映瑜嘅辯護人，跟住亦都寫咗篇文叫《關於8.23偷渡案家屬關心嘅幾個問題》，而佢曾經好幾次去過深圳鹽田區嘅看守所度要求會見，不過冇結果[4]。
盧思位係廣西律師覃永沛涉嫌煽動顛覆國家政權案嘅辯護人之一，另一位辯護人係貴州律師李貴生。
盧思位律師係雲南異見詩人王藏嘅辯護人，另一位辯護人係北京律師張磊。
政治壓迫
[編輯]2017年，盧思位發起公民聯署，呼籲全國人民代表大會成立特別調查委員會，對於「709」系列案件係咪有發生酷刑（例如強迫食藥）嚟做獨立調查。佢建議調查委員會嘅人員，應該當包括律師同埋公民嘅代表，跟住會公開咁調查同埋發表結論。喺2019年12月26號，廈門聚會案發生咗之後，盧思位畀人傳喚同埋威脅，跟住之後唔畀佢出境[1]。
2020年4月24號，盧思位因為搞過廣西律師陳家鴻嘅「煽動顛覆國家政權案」，畀四川嘅司法部門同埋律師協會打壓同處分[1]。
2020年11月3號，成都市青羊區嘅司法局對盧思位律師代理嘅所有案件材料做檢查[1]。
2021年1月4號，四川省司法廳對盧思位開出「行政處罰案件當事人聽證權利告知書」，吊銷盧律師嘅律師執業證。這個係2021年政府對維權律師開出嘅第一張罰單。這份文件嘅標號題係「川司罰告字[2021]第1號」，而入面提到要吊銷個律師執業證嘅理由係因為盧生「在互聯網上多次發表不當言論，時間跨度長，發文數量多，嚴重損害律師行業形象，造成惡劣社會影響」[1]。
2023年7月28號，盧思位原本打算喺泰國搭航班去美國同屋企人團聚，不過喺老撾永珍準備上去泰國嘅火車嘅時候，畀當地嘅差佬拉咗，準備畀老撾嘅政府遣返中國[5]。7月31號，盧思位喺美國洛杉磯嘅太太張春曉發出咗緊急呼籲，要求老撾政府遵守《聯合國禁止酷刑公約》，同時亦都向國際社會求救[6]。到8月1號，全球有68個人權組織都發出咗緊急嘅聯合聲明，要求寮國唔好遣返盧思位[7]。
到2023年9月中，寮國照樣將盧思位遣返返中國[8]，跟住之後押咗喺成都新都嘅看守所，到10月27號攞到保候審，離開咗看守所。喺2024年10月10號下晝，佢再一次畀成都市成華區嘅檢察院以偷越國境嘅罪名嚟告同埋拉佢，跟住同一日再送咗返去成都市嘅看守所度羈押[9]。
出面網站
[編輯]
腳註
[編輯]參考
[編輯]- ↑ 1.0 1.1 1.2 1.3 1.4 1.5 〈緊急關注：中國四川人權律師師盧思位 7月28日在老撾被捕（附盧思位律師簡介）〉。維權網。2023-07-29。原先內容歸檔喺2023-11-20。喺2023-07-29搵到。
- ↑ 陳品潔 (2020-11-04)。〈代理十二港人 人權律師盧思位被審查〉。《自由亞洲電台》 (中文)。原先內容歸檔喺2020-11-16。喺2020-11-06搵到。
- ↑ "Lawyer for Hong Kong activist has licence revoked by China". 《亞洲新聞台》 (英文). 2021-01-16. 原先內容歸檔喺2021-01-16. 喺2021-01-16搵到.
- ↑ 〈中國維權律師盧思位老撾被捕 曾協助12港人案〉。
{{cite web}}: CS1 maint: url-status (link) - ↑ 〈維權律師盧思位在老撾被捕，傅希秋:中國長臂管轄無處不在〉。《美國之音》 (中文)。2023-07-28。原先內容歸檔喺2023-07-29。喺2023-07-29搵到。
- ↑ 〈中國人權律師盧思位目前面臨被老撾政府強迫遣返回中國 其妻子張春曉女士發出緊急呼籲請求國際社會營救〉。維權網。2023-07-31。原先內容歸檔喺2023-11-23。喺2023-07-31搵到。
- ↑ 〈聯合聲明｜人權及律師團體呼籲各國政府和老撾（寮國）政府確保中國人權律師盧思位被立即釋放〉。民間司法改革基金會。2023-08-01。
- ↑ 小山 (2023-09-16)。〈營救人權律師失敗 盧思位被老撾遣送回中國〉。法國國際廣播電台。
- ↑ 小山 (2024-10-10)。〈盧思位律師妻子張春曉：盧思位最新情況的通報（2024年10月16日）〉。維權網。