膥 (身)
膥（一般寫成「春」[1]），又叫腎核或者膥子，書面叫睾丸（英文：testis或testicle），係雄性動物生殖器官嘅一部分。摸落似膥(即係蛋)形。生理上係腺體，生精子同分泌雄激素。中醫將性同腎聯想一齊，所以叫腎核。
解剖
[編輯]
男人有膥兩粒，屬於一對男性生殖腺，外包係膥袋。兩粒膥可以唔對稱，一邊高、一邊低，一粒大、一粒細係正常，而一般左邊嗰粒較右邊為低。[2]
每粒膥表面覆蓋住一層致密而堅固嘅纖維膜，叫睾丸白膜。白膜深入睾丸實質，將粒睾丸分成過百個睾丸小葉，而每個小葉裏面又含有1至3條曲精細管；男人啲精子就係由曲精細管所產生。精子最後經睾丸輸出小管進入附睾。
發育
[編輯]
膥子喺胚胎初期原位於腹腔後壁，之後跟住胚胎發育逐漸向下移，直到出世前些少先至經腹股溝管降入膥袋。[3]
包圍住粒膥嘅有一層膜叫睾丸鞘膜，由腹膜衍化而成；睾丸鞘膜又分兩層：緊貼睾丸白膜表面嘅叫臟層(lamina parietalis)、襯於陰囊壁裏面嘅叫壁層(lamina visceralis)，兩層之間互相連接圍成一個腔隙叫睾丸鞘膜腔(cavum vaginale)，正常情況下鞘膜腔內只有少少透明漿液。包繞住睾丸嘅鞘膜係終身保留，但精索嘅鞘膜會喺出世後冇幾耐就逐漸閉鎖並消失，以致鞘膜腔與及腹腔斷絕聯通，不過發育異常者往往因為兩腔相通，導致腹腔內嘅腸管或大網膜墜入膥袋嘅鞘膜腔，形成先天性腹股溝斜疝。
體積
[編輯]
男仔到達青春期時佢兩粒膥子會開始變大；要知道發育成點，可以用量睾器去度下佢哋嘅體積；根據譚納標準，男仔粒膥會由未發育前嘅1.5毫升，增大至喺青春期後嘅近20毫升。另一個得知膥子大細嘅方法，就係度咗粒丸嘅長闊高之後再去計[4]：
功用
[編輯]
膥子專門為男人產生精子同埋有份分泌男性荷爾蒙，所以佢係一個對男人發育、性同生殖嘅關鍵器官。
一般男人喺25到55歲可以製造超過3000億條精子，而男人要製造到精子，粒膥就要低過體溫，所以粒膥要靠精索吊喺體外、由膥袋托住。天口㷫時膥會垂低啲降溫；天氣凍，膥會縮近身取暖。
另外近做愛高潮，膥袋亦會收縮，推粒膥貼近身，避免粒膥撞傷。
疾病
[編輯]
有啲臊孲發育唔正常，出生之後睾丸未降夠，就要做睾丸固定術。手術一定要早做，如果超過一定年齡，膥體溫太高，將來製造唔到精子會冇得生，甚至可能有睾丸癌。[5]
睾丸鞘膜腔裏頭因為發炎或者其他原因導致大量積液時，個病叫睾丸鞘膜積液。
睾丸扭曲係屬於急症，即係抽精索扭轉咗，令睾丸靜脈啲血冇辦法流出、動脈啲血又流唔入粒膥，阻礙供血令睾丸壞死。[6]
如果男性成日着緊身褲包實粒膥，提高溫度，就會影響精子嘅質量同數量，跟住影響埋生殖能力。[7]
文化
[編輯]去勢
[編輯]喺中國古代，皇帝為咗防止男僕同嬪妃做愛，規定渠等一定要切咗膥，先至准入宮做太監；有時，太監重會俾人切晒成條脧。由於膥出雄激素，太監冇咗雄激素，無鬚生、體毛，亦都扯唔到旗。
歐洲古代，亦有啲宗教，有男子詩歌班。爲咗唔會大個變聲，而切咗佢哋嘅膥。必要有膥，先有男人特徵，膥同時會出唔同嘅激素，造成前列腺癌。所以喺醫學上，生前列腺癌，要切膥。
男性有膥兩粒，即使冇咗一粒，男性重可以保持男人特徵。如果膥移植，產生嘅精子，仍有捐贈者基因。
其他動物
[編輯]唔單止男人，所有動物嘅公都有膥子作為生殖腺。
註解
[編輯]- ↑ 有指本字為「䘒」，睇膥
- ↑ Anthony F.Bogaert, "Genital asymmetry in men 互聯網檔案館嘅歸檔，歸檔日期2015-05-28.", Human Reproduction vol.12 no.1 p.70, 1997. PubMed.
- ↑ 藍傳亮、傅錦峯 (2016年6月27號)。〈微創手術治小腸氣 防睾丸壞死〉。信報財經新聞。喺2020年11月11號搵到。
{{cite news}}: CS1 maint: url-status (link) - ↑ Lao, Michael; Smith, Shannon; Gilbert, Bruce R. (2020). "Male Reproductive Ultrasound". Practical Urological Ultrasound. Springer Nature. p. 298. ISBN 978-3-03-052309-1.
- ↑ 葉錦輝。〈睪丸不見怎辦？〉。原先內容歸檔喺2020年11月17號。喺2020年11月17號搵到。
- ↑ 〈精索扭轉可致睾丸壞死〉。東方日報。2015年5月22號。原先內容歸檔喺2020年11月11號。喺2020年11月11號搵到。
- ↑ 〈男士穿緊身褲削精 睾丸扭曲〉。香港蘋果日報。2012年7月13號。原著喺2021年6月21號歸檔。喺2020年11月11號搵到。
