石寓 (半山區)
石寓（Stone House，又叫旭龢道15號），係香港重存在以鋼筋同混凝土起嘅最早期建築之一，喺香港島半山區旭龢道15號，而家已被評為香港三級歷史建築。
石寓喺1923年起，當時係用嚟做整車房。當時旭龢道一帶開咗啲整車房為半山區居民服務。到咗而家，石寓已成為碩果僅存嘅一楝整車房。
香港重光之後，嗰度唔再做整車房用途。喺1949年到1951年間，曾經做過香港外國記者會嘅會所。後來業權多番轉手，直至到1980年起，開始改為私人住宅用途。最近一次業權轉手喺2005年底進行嘅拍賣。近年嗰度曾經做過私房菜場地。
石寓樓高2層，係香港早期用鋼筋同混凝土起嘅建築物之一，特點係外牆仍然用磚頭同花崗岩堆砌而成。