砂鍋雲吞雞

砂鍋雲吞雞

砂鍋雲吞雞係一味上海菜，將成隻雞、上海菜肉雲吞、紹菜（或者小棠菜）同金華火腿絲放落砂鍋度煮湯，煮出嚟嘅湯呈奶白色。

做法

基本做法係金華火腿切絲連雞放滾水用猛火煲半個鐘，再用細火煲兩個鐘。雞湯煲完落菜同埋加入雲吞略滾就得。

不過，隨著時代變遷同埋呢味餸越來越普及，亦有啲人搞亂咗類似菜式腌篤鮮，覺得可以落鹹肉同埋百頁結落去，另外對於隻雞煲幾耐，唔同人嘅食譜亦可以有一定出入。