硬膠 (網上)

硬膠（粵拼：ngaang6 gaau1）係一個香港網上術語。之前本身係話「聚苯乙烯」，但係後嚟有人佢當成「戇鳩」嘅諧音嚟用。

出處

呢個詞最早出喺周星馳嘅電影——《整蠱專家》入面。戲入面有個台詞嗌「超級戇膠膠」，而「膠」字就係當成粵語粗口嘅「鳩」字噉解。而N年前有部嗌《笑聲救地球》嘅細路節目就搞出咗噉嘅嘢。

而家 「硬膠」大多數喺香港嘅網絡社區入面出現。由於大部分討論區都唔畀講粗口，有啲網民就將「戇鳩」諧音咗，變成「硬膠」，但都有機會俾管理員查到。網民就將呢啲古怪嘅發言同都話講冇根據、有違反道理原則嘅會員話成係「硬膠」。

發展

硬膠嘅風氣最先出現喺高登討論區。嗰時嘅高登管理員係「DrJim」，但喺管理權轉咗畀「Fevaworks」之後，硬膠文化反而重多咗。有好多高登用語都係俾「硬膠文化」影響咗，甚至重將硬膠變成張小丑嘅相都有。

有關嘅書

• 《潮童不宜》，林忌 ISBN 978-988-99479-5-8

出面網頁

• 《網絡新詞 唔識hihi886》，《蘋果日報》，2006年9月11號。