汽水

貨架上面嘅汽水

汽水（粵拼：hei3 seoi2）係有碳酸嘅嘢飲，多數係指有味嗰啲，味道通常係甜甜哋又酸酸哋噉嘅。當揭開水汽蓋時，汽水裏面嘅碳酸就會變二氧化碳於出來，就好似水裏面就唔停咁有氣泡走出。

因為汽水通常有大量糖份，而汽水係帶酸性，所以有的醫學研究上認為佢危害健康，會容易蛀牙，過肥呢啲唔健康嘅現象。

嗌法

雖則一般人好多時都將汽水等同英文 soft drink，之不過 soft drink 其實指無酒精嘅嘢飲，範圍大好多，梳打水，雜果賓治都歸入去。所以意義上係有差別。

喺粵語入邊，汽水有陣時會畀人嗌做「肥仔水」，原因係因為汽水飲得多易肥。