神聖一票

《神聖一票》係一隻參考卡牌遊戲《三國殺》設計，以香港政治為主題嘅紙牌遊戲，喺2012年推出^[1]。

創作人表示靈感係來自2012年香港行政長官選舉，內容有唔少惡搞當時嘅政治話題，例如地產霸權、李旺陽離奇死亡事件，中國維權人士陳光誠被逼害，選舉期間梁振英指控唐英年返工望住張梳化，親中派以「蛇齋餅粽」籠絡老人家投票支持佢哋，唐英年指控梁振英「你呃人」、陳志雲回應涉嫌貪污被捕事件時「真的假不了」等話題、言論同事件^[1]。

遊戲入面亦有一啲影射香港名人嘅人物，例如劉天王（劉德華）、誠哥（李嘉誠）等。