票站調查

票站調查（Exit Poll）即係喺選舉票站出口，見到啲人一投完票出嚟，即刻做對投票結果訪問嘅一種民意測驗。喺外國，做調查嘅機構通常係報章或者電子傳媒出錢請佢哋做，方便佢哋喺點票結果公布前，盡早估算投票結果，因為某啲地方點票可能要幾個鐘頭甚至幾日先至完成。票站調查另一個主要目的，係為咗可以分析同解讀選民嘅投票行為，立即知道選舉民情同形勢。所以，世界上好多學者都會同組織合作做票站調查，同埋分析有關嘅數據^[1]。

荷蘭社會學家兼政治人Marcel van Dam（荷蘭文：Marcel van Dam）公認係票站調查嘅發明人，喺1967年2月15號嘅荷蘭議會選舉時首創票站調查。^[2]

功能

皆因投票係唔記名投嘅，唯一可以知道唔同組群（例如性別、年齡、族群⋯⋯）選民投票原因嘅方法，就係透過票站調查搜集數據。

響世界好多地方，票站調查會畀人用嚟作為檢驗有冇選舉舞弊嘅其中一個指標。例子有2004年委內瑞拉公投、2004年烏克蘭總統選舉同2004年美國總統選舉。

誤差

好似其他民意調查咁，票站調查一樣會有「誤差」。呢方面，最出名嘅案例係1992年英國國會大選。當時兩個票站調查都推算，選舉結果將會令國會內無一個政黨可以取得過半議席嘅情況，但係實際點票結果顯示，馬卓安領導嘅保守黨政府雖然議席大減，但都重可以靠些微少數可以獨自組成多數派政府。

票站調查嘅一個要害係選取調查對像時會有偏差。雖然一般嚟講，票站調查訪問嘅人數比民意調查更多，但係始終只係所有選民嘅一小部份。由於調查機構多數由傳媒贊助，而傳媒往往希望可以喺投票結束後第一時間公布投票嘅推算結果，調查機構唯有響投票結束前幾個鐘停止搜集數據以爭取時間整理推算，所以冇將投票最後一段時間計算在內，容易出現偏差。因為某啲選民，好似阿婆阿伯同師奶，比較鍾意響朝早投票，佢哋嘅意向可能會響票站中畀人不成比例咁放大咗。相反，晏啲投票嘅人就會被忽略。同時，選民願唔願接受訪問，以及會唔會如實咁講出自己嘅投票選擇，亦都會左右誤差幅度。

為咗減少誤差，過去有調查機構透過「pooling」方式，將各自搜集到嘅數據共同享用，以增加準確度。響2005年英國大選，英國廣播公司同獨立電視ITV就透過呢種方式，預測英國工黨響大選中贏得 66 席，脗合後來官方公布嘅選舉結果。響2007年澳洲大選，澳洲多間傳媒機構亦透過共享數據方式，準確預測到澳洲工黨以百分之五十三嘅得票率擊敗執政聯盟。

爭議

以往，有唔少批評指票站調查嘅結果若果係喺投票結束前披露，會影響選舉結果。就以1980年美國總統選舉為例，NBC電視台響美國東岸時間夜晚八點十五分，根據同二萬人做嘅票站調查，就宣稱共和黨總統候選人朗奴．列根會勝出。因為當時響美國西岸，時間係下晝五點十五分，投票重未完，所以有人質疑披露票站調查數據影響咗選舉結果^[3]。另外，響2004年美國總統大選，亦有人喺投票結束前，透過互聯網披露票站調查結果，重一度預言民主黨總統候選人克里會贏^[4]^[5]。

規管

英國、加拿大同澳洲維多利亞省等地方，都將喺投票結束前公布票站調查結果列為刑事罪行，違反者可被罰款甚至監禁^[6]。某啲國家，好似新加坡咁，就直頭立法禁止發布票站調查結果^[7]。

喺香港，冇法例規範進行票站調查機構，要將涉及票站調查嘅財政開支，同埋委聘佢哋做票站調查嘅客戶名稱公開，所以票站調查仍然有好多唔透明嘅地方，部份機構經常畀人質疑做票站調查，背後有政治動機。

香港概況

早期

由1991年立法局首次進行分區直選開始，就有人響香港舉行嘅選舉做票站調查，當中以香港大學民意研究計劃最出名。2004年，選舉管理委員會為咗增加票站調查機構嘅透明度，公布全部報請進行票站調查機構嘅機構名同工作人員嘅名，外界先至可以掌握票站調查機構嘅情況。

2004年立法會選舉

2004年立法會選舉期間，一共有七間機構做票站調查，分別係香港大學民意調查計劃、香港大學學生研究隊、香港政策研究所、荃灣青年議會、香港社會及經濟研究所、香港青年協進會。根據香港大學民意研究計劃鍾庭耀博士嘅統計，呢七個機構所調查嘅範圍同動用嘅人力資源如下^[8]：

		港大民意研究計劃	港大學生研究隊	香港政策研究所	荃灣青年議會	香港社會及經濟研究所	香港青年協進會
香港島	票站數目	20	7	5	0	33	0
九龍西	票站數目	13	4	2	0	0	14
九龍東	票站數目	16	5	6	0	7	13
新界西	票站數目	28	5	4	9	0	0
新界東	票站數目	24	10	13	0	0	0
合計	票站數目	101	31	30	9	40	27

2007年區議會選舉

2007年區議會選舉，進行票站調查嘅機構，包括香港大學民意研究計劃、香港社會監察、香港發展研究學會、香港社區研究中心、社區研究學會、社會事務調查協會同香港選舉策略研究社等：

調查機構	票站數目	涉及區域
社會事務調查協會	112	大埔、荃灣、屯門、葵青
香港社區研究中心	99	北區、西貢、沙田
香港調查研究中心	76	中西區、灣仔、東區、南區
香港發展研究學會	53	油尖旺、深水埗、九龍城、黃大仙、觀塘
社區研究協會	35	元朗、離島
香港大學	17	15個選區
香港社會監察	10	黃大仙、觀塘
香港選舉策略研究社	6	南區
香港中文大學	2	石漁及大埔墟
香港職業技能專科學校	1	南昌南
明愛徐誠斌學院	1	坪石
天北居民服務處協會	1	宏景

有報紙揭發，部份做票站調查嘅機構，疑似有政治聯繫^[9]：

香港社會監察：註冊地址喺牛池灣曉暉花園一個住宅單位，業主之一係民建聯黃大仙統籌主任鄧秀玲。鄧秀玲響2004年曾以香港社會及經濟研究所名義作票站調查。
香港發展研究學會：註冊地址喺油麻地基利商業大廈一商業單位，同香港青年協進會、中山大學法律系香港同學會共用會址，但係單位外就冇研究學會招牌。香港青年協進會主席楊子熙係民建聯區議員。
香港社區研究中心：註冊地址喺元朗育路寶城洋樓一單位，單位業主係新界社團聯會元朗地區委員會成員胡春月。
社區研究協會：註冊地址喺大埔富雅花園一住宅單位，業主鄺錦榮係沙田青年協會會長，又係工聯會屬下花卉職工會成員。
社會事務調查協會：註冊地址喺青衣長安邨安洋樓一公屋單位，協會其中一位調查員鄭臨，報稱係新界社團聯會葵青地區委員會秘書，又係葵青青年團成員，葵青青年團理事代表梁嘉銘係民建聯成員，多次出選興芳區。

2007年立法會補選

響2007年12月，立法會港島區補選，進行票站調查機構包括：香港調查研究中心、香港大學、香港選舉策略研究社同香港社區發展網絡。

調查機構	票站數目
香港調查研究中心	96
香港大學	41
香港選舉策略研究社	6
香港社區發展網絡	4

2008年立法會選舉

響2008年立法會選舉，有以下調查機構做票站調查^[10]：

		港大民意研究計劃	香港調查研究中心	香港研究協會	香港社區研究中心	社區研究協會	萬國宣道浸信會盛恩基督教社會服務中心
香港島	票站數目	36	76	31	0	0	0
九龍東西	票站數目	28	0	47	0	0	0
九龍東	票站數目	22	0	40	0	0	0
新界西	票站數目	50	0	42	110	22	2
新界東	票站數目	49	0	40	19	90	0
合計	票站數目	185	76	200	129	112	2

各個調查機構嘅負責人分別係鍾庭耀（港大民意調查計劃）、吳文濤（香港調查研究中心）、麥燕薇（香港研究協會）、胡春月^[11]（香港社區研究中心）、劉淑雯（社區研究協會）……。

2011年區議會選舉

2011年區議會選舉，進行票站調查嘅機構，包括香港大學民意研究計劃、香港社會監察、香港研究協會、香港社區研究中心、民意咨詢中心有限公司、南區民生促進會、盧曼思、龍星雲同蕭詠欣^[12]：

		港大民意研究計劃	民意咨詢中心	香港研究協會	香港社區研究中心	香港社會監察	南區民生促進會	盧曼思	龍星雲	蕭詠欣
中西區	票站數目	3	3	13	0	0	0	0	0	0
灣仔	票站數目	1	1	9	0	0	0	0	0	0
東區	票站數目	0	5	23	0	0	0	0	0	0
南區	票站數目	1	6	11	0	0	10	0	0	0
油尖旺	票站數目	1	0	10	0	4	0	0	0	0
深水埗	票站數目	1	0	11	0	3	0	0	0	0
九龍城	票站數目	2	0	13	0	3	0	1	0	0
黃大仙	票站數目	3	0	17	0	10	0	1	0	0
觀塘	票站數目	0	0	10	0	3	0	0	0	0
荃灣	票站數目	0	0	12	18	0	0	0	0	0
屯門	票站數目	2	0	23	40	0	0	2	2	0
元朗	票站數目	1	0	20	26	0	0	0	0	1
葵青	票站數目	2	0	16	20	0	0	0	0	0
離島	票站數目	0	0	6	1（愉景灣）	0	0	0	0	0
西貢	票站數目	0	0	15	21	0	0	0	0	0
沙田	票站數目	2	0	25	42	0	0	0	0	0
北區	票站數目	1	0	13	32	0	0	0	0	0
大埔	票站數目	2	0	9	16	0	0	0	0	0
合計	票站數目	22	15	256	216	24	10	4	1	1

各個調查機構嘅負責人分別係鍾庭耀（港大民意調查計劃）、徐德明（民意咨詢中心有限公司）、麥燕薇（香港研究協會）、胡春月（香港社區研究中心）、潘儉群（香港社會監察）、陳子陞（南區民生促進會）……。有網民指出，香港研究協會百幾個東區嘅調查員當中，起碼有一半嘅個名同培僑中學、福建中學及漢華中學嘅學生相同，甚至有培僑中學老師（李振禹）嘅名字。^[13]

2012年立法會選舉

響2012年立法會選舉，有以下調查機構做票站調查^[14]：

		港大民意研究計劃	民意咨詢中心	香港研究協會	香港社區研究中心	香港社會監察
香港島	票站數目	21	13	48	0	0
九龍西	票站數目	15	0	36	0	9
九龍東	票站數目	15	0	51	0	14
新界西	票站數目	27	0	67	161	0
新界東	票站數目	26	0	60	133	0
合計	票站數目	104	13	262	294	23

各個調查機構嘅負責人分別係鍾庭耀（港大民意調查計劃）、徐德明（民意咨詢中心有限公司）、麥燕薇（香港研究協會）、胡春月（香港社區研究中心）及潘儉群（香港社會監察）。部份機構被指有親中背景^[15]，引起杯葛票站調查嘅行動，以防止俾人將票站調查用作配票工具^[16]。

2015年區議會選舉

2015年區議會選舉，進行票站調查嘅機構，包括香港大學民意研究計劃、香港研究協會、香港社區研究中心同香港社會監察。^[17]^[18]

		港大民意研究計劃	香港研究協會	香港社區研究中心	香港社會監察
中西區	票站數目	1 （堅摩）	12	0	0
灣仔	票站數目	1 （樂活）	9	0	0
東區	票站數目	2 （小西灣、漁灣）	22	0	0
南區	票站數目	3 （利東二、海怡東、海怡西）	12	0	0
油尖旺	票站數目	1 （奧運）	9	0	3
深水埗	票站數目	1 （麗閣）	13	0	3
九龍城	票站數目	2 （土瓜灣北、黃埔東）	15	0	3
黃大仙	票站數目	2 （龍星）	18	0	5
觀塘	票站數目	0	16	0	4
荃灣	票站數目	0	13	16	0
屯門	票站數目	3 （富新、樂翠）	23	31	0
元朗	票站數目	0	20	6	0
葵青	票站數目	1 （石蔭）	16	17	0
離島	票站數目	0	8	7	0
西貢	票站數目	1 （軍寶）	17	9	0
沙田	票站數目	0	28	21	0
北區	票站數目	0	13	21	0
大埔	票站數目	0	12	22	0
合計	票站數目	18	276	150	18

各個調查機構嘅負責人分別係李偉健（港大民意調查計劃）、麥燕薇（香港研究協會）、胡春月（香港社區研究中心）同埋彭諾瑤（香港社會監察）。^[19]

2016年立法會選舉

響2016年立法會選舉，有以下調查機構做票站調查^[20]：

		港大民意研究計劃	香港研究協會	成報報刊有限公司
香港島	票站數目	8	48	62
九龍西	票站數目	7	44	47
九龍東	票站數目	8	56	39
新界西	票站數目	15	65	87
新界東	票站數目	12	64	66
合計	票站數目	50	277	301

各個調查機構嘅負責人分別係李偉健（港大民意調查計劃）、吳偉民（香港研究協會）、梁浩文（成報報刊有限公司）。香港研究協會嘅調查員，被被指同左派學校漢華中學、培僑中學嘅畢業生姓名相同^[21]。

睇埋

參考

↑ 〈選舉民意調查與傳媒專業操守〉。原著喺2009年3月1號歸檔。喺2007年12月3號搵到。
↑ Van Dam, Marcel P. A. and Jan Beishuizen (1967) Kijk op de kiezer. Amsterdam: Het Parool
↑ Facts on File Yearbook 1980 p.865
↑ Websites predict Kerry win
↑ "Mucho flattering to Kerry". 原著喺2009年7月6號歸檔. 喺2008年4月20號搵到.
↑ 《選定地方對票站調查的規管》，第11頁
↑ Parliamentary Elections Act, 2001
↑ 〈立法會選舉票站調查分析系列之七〉。原著喺2020年11月23號歸檔。喺2008年4月22號搵到。
↑ 〈本報調查：踢爆左派借票站調查打選戰--五調查機構大起底　計算鐵票動員洗樓 [[蘋果日報]]，2008年2月18號〉。原著喺2014年7月25號歸檔。喺2015年11月19號搵到。
↑ 〈2008年立法會選舉票站調查〉。原著喺2013年11月12號歸檔。喺2008年9月5號搵到。
↑ 〈六個票站調查三個左派 [[蘋果日報]]，2008年9月6號〉。原著喺2008年9月13號歸檔。喺2008年9月6號搵到。
↑ 〈2011年區議會選舉 ﹣ 票站調查〉。原著喺2012年1月7號歸檔。喺2012年10月2號搵到。
↑ Alone in the Fart:香港人真重視學術
↑ 〈2012年立法會選舉票站調查〉。原著喺2012年9月4號歸檔。喺2012年9月5號搵到。
↑ 做票站調查 5機構起底 4間被指親建制民主黨質疑籲杯葛明報，2012年9月5號
↑ 〈票站調查三機構與左派關係密切泛民呼籲杯葛防建制派配票，[[蘋果日報]]，2012年9月5號〉。原著喺2020年3月28號歸檔。喺2013年6月21號搵到。
↑ 〈4機構獲准做區選票站調查－3個疑有建制背景 [[立場新聞]]，2015年11月17號〉。原著喺2021年6月29號歸檔。喺2022年1月7號搵到。
↑ 〈建制派3機構駐票站屯重兵做民調學者質疑圖左右大局 [[蘋果日報]]，2015年11月18號〉。原著喺2015年11月20號歸檔。喺2015年11月19號搵到。
↑ 2015年區議會選舉 ﹣ 票站調查
↑ 2016年立法會選舉票站調查
↑ 〈票站調查員多左校生？ [[蘋果日報]]，2016年8月31號〉。原著喺2016年9月2號歸檔。喺2016年8月31號搵到。

拎

呢篇票站調查係政治類嘅楔位文章，未完成；麻煩你幫手加下料，充實佢。

[1] 〈選舉民意調查與傳媒專業操守〉。原著喺2009年3月1號歸檔。喺2007年12月3號搵到。

[2] Van Dam, Marcel P. A. and Jan Beishuizen (1967) Kijk op de kiezer. Amsterdam: Het Parool

[3] Facts on File Yearbook 1980 p.865

[4] Websites predict Kerry win

[5] "Mucho flattering to Kerry". 原著喺2009年7月6號歸檔. 喺2008年4月20號搵到.

[6] 《選定地方對票站調查的規管》，第11頁

[7] Parliamentary Elections Act, 2001

[8] 〈立法會選舉票站調查分析系列之七〉。原著喺2020年11月23號歸檔。喺2008年4月22號搵到。

[9] 〈本報調查：踢爆左派借票站調查打選戰--五調查機構大起底　計算鐵票動員洗樓 [[蘋果日報]]，2008年2月18號〉。原著喺2014年7月25號歸檔。喺2015年11月19號搵到。

[10] 〈2008年立法會選舉票站調查〉。原著喺2013年11月12號歸檔。喺2008年9月5號搵到。

[11] 〈六個票站調查三個左派 [[蘋果日報]]，2008年9月6號〉。原著喺2008年9月13號歸檔。喺2008年9月6號搵到。

[12] 〈2011年區議會選舉 ﹣ 票站調查〉。原著喺2012年1月7號歸檔。喺2012年10月2號搵到。

[13] Alone in the Fart:香港人真重視學術

[14] 〈2012年立法會選舉票站調查〉。原著喺2012年9月4號歸檔。喺2012年9月5號搵到。

[15] 做票站調查 5機構起底 4間被指親建制民主黨質疑籲杯葛明報，2012年9月5號

[16] 〈票站調查三機構與左派關係密切泛民呼籲杯葛防建制派配票，[[蘋果日報]]，2012年9月5號〉。原著喺2020年3月28號歸檔。喺2013年6月21號搵到。

[17] 〈4機構獲准做區選票站調查－3個疑有建制背景 [[立場新聞]]，2015年11月17號〉。原著喺2021年6月29號歸檔。喺2022年1月7號搵到。

[18] 〈建制派3機構駐票站屯重兵做民調學者質疑圖左右大局 [[蘋果日報]]，2015年11月18號〉。原著喺2015年11月20號歸檔。喺2015年11月19號搵到。

[19] 2015年區議會選舉 ﹣ 票站調查

[20] 2016年立法會選舉票站調查

[21] 〈票站調查員多左校生？ [[蘋果日報]]，2016年8月31號〉。原著喺2016年9月2號歸檔。喺2016年8月31號搵到。

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]