香港調查研究中心
 | 呢篇文或者呢段要 翻譯（或者由 10%加料）。 |
香港調查研究中心響2002年成立，由嚟自香港、澳門、中國大陸同海外人士發起組成，自我定位為民間智庫。
香港調查研究中心自稱係非官方民意調查研究兼決策諮詢機構，主要就港澳經濟、社會發展、政府管治等問題進行調查同研究，向有關方面提供政策建議同埋諮詢意見。另外，呢個中心亦透過合作或資助方式，同香港、澳門、中國大陸嘅研究機構、專家、學者進行各項政策研究工作，研究成果除咗畀媒體發表之外，亦會響佢哋中心嘅網站公開。
研究及評論文章
[編輯]中心不時響港澳報章發表文章，例如2008年4月嘅西藏問題系列文章：《一國兩制是否適合西藏？》、《藏民抗議活動的背景分析》、《達賴和班禪歷史地位及政治理念的比較》等。關於陳方安生，亦有多篇評論文章。
各種民調
[編輯]中心亦喺2003年起從事各類民意調查，其中較為大眾關注嘅係響2007年11月，由香港樹仁大學社工學系同香港調查研究中心合作進行嘅港島區立法會補選民調，香港多份報章包括信報、星島日報、文匯報、大公報、都市日報、頭條日報等都有引用中心嘅民調結果。（呢次民調嘅每次結果）
就香港特區政府副局長及政治助理薪酬問題，香港調查研究中心響2008年6月8至9號進行街頭民意調查，調查結果顯示，60.95%受訪市民認為副局長人工太高，認為政治助理人工太高嘅更高達67.15%。另外，得16.26%受訪者認同政府喺副局長及政治助理入職時根據各人年資及能力等情況會拉開人工差距。中心之前亦曾經就候任副局長擁有外國居留權問題，響2008年5月27至28號透過街頭民意調查，結果顯示，有55%受訪市民認為候任副局長擁有外國居留權「有問題」。
票站調查
[編輯]香港調查研究中心近年進行多項票站調查，並表示用作學術研究用途。其中一次係由中心成員龐熙樌安排約400名調查員，喺2007年12月2號上午7點30分至晚上10點30分，分別喺港島區各票站進行票站調查，成功訪問58900名投完票嘅選民，約佔港島區投咗票嘅選民人數320000嘅18%。選舉後，中心完成咗一份詳盡報告，就票站調查所得數據作出統計和分析。票站調查報告提出一個有針對性嘅觀點：政壇壟斷化，新人出頭難。不過中心事後並冇交待票站調查嘅資金來源。
香港調查研究中心喺2008年4月寄信畀選舉管理委員會，就「2008年立法會選舉指引」中「票站調查」部份表達意見及建議（全文內容）。2008年立法會選舉，中心再響港島區76個票站做票站調查，負責人改由中心嘅研究員吳文濤擔任。
網上討論平台
[編輯]香港調查研究中心亦喺2006年底開設網上討論平台「香港民意網」。