都市日報

《都市日報》（Metro）係份跨國免費報紙，由瑞典傳媒公司Kinnevik（瑞典文：Kinnevik）創辦，總部響盧森堡。特色係佢嘅主要對象係地下鐵搭客。第一份報紙響1995年2月13號響瑞典首都斯德哥爾摩地下鐵派，第一份香港版就響2002年4月15號派。以2015年計，《都市日報》有13種文，響23個地區印67個版本。^[1]2006年重成為《健力士世界大全》認證嘅全世界最大報紙集團。

不過喺2007年，《都市日報》其實就開始走下坡，佢哋發現讀者開始流向其他媒介去睇新聞，廣告收入亦都開始急跌。^[2]

2019年8月，集團嘅第一份免費報紙──斯德哥爾摩《都市日報》宣佈停刊，佢本身喺嗰年3月已經冇再喺斯德哥爾摩地鐵度派，但係繼續有網上版本。