禍港四人幫
提示：呢篇文講嘅唔係亂港四人幫。.jpg)
禍港四人幫，係個喺中共中央政法委員會《長安劍》首次出現嘅稱呼，指黎智英、李柱銘、陳方安生同埋何俊仁四位泛民主派政治人物。呢個稱呼帶有貶義，被某啲支持香港泛民主派陣營嘅人士批評。
起源
[編輯]2019年8月18號，《長安劍》刊登文章《「禍港四人幫」十四宗罪》，鬧佢哋四個係「香港暴力衝突活動的罪魁禍首」云云……[1]
對呢個稱呼嘅評價
[編輯]中國民運人士王丹表示，咁樣嘅宣傳口徑同鎮壓六四事件手法如出一轍。 [2]
法廣香港特約記者甄樹基批評，新華網官方微博使用漫畫對佢哋四人作出人身攻擊，[3]，係返番去文革時代嘅批鬥手法。 [4]
有關人士去向
[編輯]2020年6月30號北京單方面訂立而且有爭議性嘅《香港國家安全法》頒佈之後，黎智英同埋何俊仁畀人拉，李柱銘話要同「香港獨立運動」割蓆、捍衛「一國兩制」，而陳方安生就宣布退出政壇。
睇埋
[編輯]攷
[編輯]- ↑ 〈"祸港四人帮"十四宗罪-中国长安网〉。www.chinapeace.gov.cn。原著喺2021-06-30歸檔。喺2021-06-17搵到。
- ↑ 洪培英。〈中共點名「禍港四人幫」 王丹：與鎮壓六四手段如出一轍〉。《Yahoo！新聞》 (臺灣中文)。信傳媒。原著喺2021-11-10歸檔。喺2021-11-10搵到。
- ↑ 〈"禍港四人幫"添新罪：叛國！〉。《新華網》。原著喺2021-11-10歸檔。喺2021-11-10搵到。
- ↑ 甄樹基。〈新華社漫畫醜化"叛國禍港四人幫"被指重彈文革批鬥老調〉。《法國國際廣播電台》。原著喺2021-11-10歸檔。喺2022-01-20搵到。
