禮頓亞洲

禮頓亞洲（英文：Leighton Asia），通稱禮頓建築，係澳洲CIMIC集團旗下嘅全資子公司。CIMIC集團喺1962年成立，總部位於澳洲雪梨聖李安納，1975年開始涉足亞洲，成立咗子公司禮頓亞洲。呢間公司嘅業務包括建築、土木工程、採礦等等。另一間澳洲企業UGL都係CIMIC集團成員之一。禮頓亞洲而家嘅業務涵蓋咗香港、印尼、印度、澳門、馬來西亞、菲律賓、新加坡、泰國同埋伊拉克等地。

爭議

2018年5月，港鐵監工，由禮頓負責起嘅沙中綫紅磡站擴建工程被人揭發咗非法剪鋼筋，令到石屎強度唔夠。經過調查之後，香港政府喺2020年6月起訴禮頓違反《建築物條例》罪行。另外，禮頓亦因為咁而一直被政府禁止參與工務工程投標。