沙田至中環綫

出自維基百科,自由嘅百科全書
(由沙中綫跳轉過嚟)
  呢篇文講而家沙田至中環綫嘅計劃。想搵有關沙田至中環綫之前嘅計劃嘅話,請睇東九龍綫 (舊)
沙田至中環綫 - 2007年7月兩鐵合併方案。

沙田至中環綫(簡稱沙中綫Shatin to Central Link,簡稱SCL)係香港鐵路有限公司一個工程項目。路綫分開兩大部份:大圍至紅磡段同埋過海段(紅磡至金鐘段)。成個計劃由沙田區大圍站開始,經過新起嘅顯徑站去到鑽石山,再經啟德新發展區、土瓜灣紅磡站。同東鐵綫交匯之後,再經第四條過海鐵路去香港島會展,最後用金鐘做總站。計劃包括起6個新車站(大圍去紅磡段:顯徑啟德宋皇臺土瓜灣何文田;過海段:會展)、重新起過紅磡站同埋擴建鑽石山站加埋金鐘站

路線走向[編輯]

根據運輸及房屋局同埋港鐵公司提供嘅資料,沙田至中環綫將會由大圍至紅磡段同埋過海段組成。大圍至紅磡段由原本馬鞍山綫大圍站以南開始伸延,經鑽石山啟德宋皇臺土瓜灣何文田去到紅磡站,連接西鐵綫九龍南綫一段。過海段就由現時東鐵綫紅磡站開始,經過海隧道到香港島,途經會展站,並且用金鐘做總站。

兩段總長度大約有17公里。大圍至啟德段已經喺2020年2月14號通車,啟德至紅磡段已經喺2021年6月27號通車。過海段就分兩期,第一期會將而家東鐵綫旺角東去紅磡嘅一段改行地底,預計喺2021年完成。第二期就因為要遷就灣仔填海計劃第二期同埋中環灣仔繞道嘅規劃,去到2022年5月15號先至可以啟用。同一時間,觀塘綫油麻地站延長去黃埔站,並且喺何文田站同屯馬綫交匯。觀塘綫延綫喺2016年10月23號落成通車[1][2]

沙中綫連接好多條原有鐵路線,形成兩條貫通香港南北、東西嘅策略性鐵路走廊[2]

參考[編輯]

  1. 立法會參考資料摘要 - 沙田至中環線及地鐵觀塘線延線,2008年3月11號,香港立法會
  2. 2.0 2.1 港鐵公司-新支綫及工程項目-沙田至中環綫 互聯網檔案館歸檔,歸檔日期2010年10月23號,.,2008年3月11號,2008年3月12號睇

睇埋[編輯]

出面網頁[編輯]