秋楓峒

出自維基百科,自由嘅百科全書
秋楓峒村

秋楓峒,亦叫秋楓,屬廣州市從化區太平鎮秋楓行政村管,佔地10km²。秋楓峒喺北宋開村,清代從化縣馬村堡[1]。世居村民姓。2014年定為廣州市傳統村落

佈局[編輯]

秋楓峒前水後山,坐東朝西,典型梳式佈局。中心係酉四祖祠酉七祖祠,週邊係民居。民居順山勢而起,座向一致,錯落有序。村面建築唔係平列式,酉四祖祠一路建築向前突出,民居逐漸升高。秋楓峒嘅主巷係忠安里、長安里、仁和里,街巷地面鋪石春。由於地面縱橫高低唔同,村民喺規則佈局之中特登開一條南北向嘅巷仔。中心祠堂係硬山頂,民居起成懸山頂來遮雨。民居係磚、木、石結構,多數三間兩廊佈局,亦有幾間係五間兩廊嘅大宅,正廳前櫺格通花落地罩[2]。外圍有村牆,其中村面一段係花崗岩牆腳。南北有兩個門樓。村面水塘長堤連去石路。

村史[編輯]

北宋後期,防禦使鍾軾嘅四世孫鍾隆信由龍騰里(而家太平鎮屈洞村)搬來呢邊。相傳開村初期,巫師相信秋風能夠消滅山妖,於是起「秋風」做村名,後尾將「風」改成「楓」[2]清代從化縣馬村堡[1],1960年代屬從化縣秋風大隊,後來改屬從化區太平鎮秋楓行政村。而家秋楓峒鍾氏族人有兩干幾,舊村村民搬去村外圍起新屋住。

古蹟[編輯]

始建年份 地址 現況
秋楓村圍 待考 忠安里前 尚存
忠安樓 待考 忠安里 尚存
酉四祖祠 明末 忠安里 尚存,從化市登記保護文物單位
酉七祖祠 明末 忠心里左 尚存,從化市登記保護文物單位
子記書舍 忠心里右 尚存
傳統民居 南宋至清 村入邊 尚存

交通[編輯]

  • 巴士
    • 秋風路口站:351路

[編輯]

  1. 1.0 1.1 陳輝璧. 一 輿地志. (康熙) 從化縣志.
  2. 2.0 2.1 陳建華 等, 編 (2008). 州市文物普查匯編 從化市卷. 廣州: 廣州出版社. p. 274. ISBN 978-7-80731-556-8.