從化

中華人民共和國 > 廣東省 > 廣州市 > 從化區

乾隆時，從化縣喺省城東北，歸廣州府

從化（粵拼：cung4 faa3）喺中國廣東，原本係廣州一個縣，叫從化縣，1994年改做縣級市，叫從化市；2014年2月撤市設區，叫從化區。

地理

山

從化境內多山，東北有五指山同十八山。

水

流溪水來自十八山，南行會合陳峒水同玉溪，跟住再納埋曲江同黎塘，會經番禺入石門。

溪水儲起做水塘。

史

從化原本番禺之地，大明番禺縣譚觀福、張洪祐反抗官府，明軍討平。喺弘治二年三月己巳日，卽一四八九年四月十一號，設從化縣，取【遠氓歸化】之意。大清時係屬廣州府，設流溪巡司，有石岐驛。

政區

從化有三街道五鎮：街口街道、城郊街道、江埔街道、温泉鎮、良口鎮、呂田鎮、太平鎮、鰲頭鎮。

能源

從化有廣州蓄能水電廠，裝機容量240萬千瓦，係全世界容量最大嘅抽水蓄能電站。佢所發電力，大部分用響南方電網調峰同埋供給香港之用。

旅遊

中部有從化溫泉，環境優美，係一處度假勝地。有流溪河同石門兩處國家森林公園，同埋北迴歸線塔等旅游區。另外，有錢崗同大江埔兩條古村；其中攞到聯合國教科文組織亞太地區文化遺產保護獎卓越項目獎嘅全國重點文物保護單位陸氏廣裕宗祠就喺錢崗村。

物產

從化地處嶺南，特產荔枝同荔枝蜜，係中國主要荔枝產地。每年產量幾萬噸，有妃子笑、狀元紅、糯米糍等卅幾個品種。