秘密國家警察

出自維基百科,自由嘅百科全書
跳去導覽 跳去搵嘢

秘密國家警察Geheime Staatspolizei;縮寫:Gestapo,粵音似嘅斯他蒲,國語音譯蓋世太保)係納粹德國嗰陣時嘅秘密警察,由黨衛隊控制。佢哋成立初期係一個秘密警察組織,後來又加入咗好多黨衛隊嘅成員,一齊去做「最終解決方案」。

1933年春,希特拉出任威瑪共和國總理,而赫爾曼·戈林就接管普魯士警察局。戈林就喺1933年4月26號成立政治警察組織秘密國家警察,核心成員係普魯士警察。

1934年,喺希特拉嘅調停下,希姆萊嘅黨衛隊接管咗「蓋世太保」呢個秘密國家警察組織。

二次大戰爆發之後,大量秘密國家警察跟住德國國防軍去到佔領區,係嗰度組織咗好多隊輔警部隊,而呢啲輔警部隊全部都係聽嗮秘密國家警察支笛,成為組織嘅其中嘅一部分。秘密國家警察有「預防性逮捕權」。喺納粹德國時期,有成千上萬嘅共產黨左派社會民主黨異見人士猶太人之類嘅人,喺未經過法律程序之下俾蓋世太保捉去集中營,而其中大部人都有受到拷問、虐待,或者直接拎去打靶。