穆沙拉夫

穆沙拉夫全名佩爾韋茲穆沙拉夫 （Pervez Musharraf，1943年 8月11號—），巴基斯坦陸軍上將，同印度軍打過幾場仗，試過同印度搶錫雅琴冰川但唔成功。1999年 10月喺巴基斯坦發動軍事政變，之後喺2000年 5月巴基斯坦最高法院裁定「軍事接管」係「必要行動」，承認穆沙拉夫政府係合法。2001年 6月20號宣誓就任，做咗巴基斯坦總統 ^[1]。

2007年 11月穆沙拉夫話伊斯蘭激進份子越來越猖狂，於是宣佈全國進入緊急狀態，同時又凍結憲法，罷黜最高法院首席大法官丘德里，斷晒獨立電視台訊號，又下令軍警拉咗差唔多五百個反對黨領袖同異議人士^[2]。有人驚佢咁會令巴基斯坦走返去獨裁^[3]。到2008年8月18號辭職，唔再做巴基斯坦總統。