窗邊咆哮，又叫十點鳩嗌、十點鳩叫，係香港反逃犯條例修訂運動入面由網民自發嘅一個長期抗爭活動，由2019年8月中開始，每晚搭正十點鐘，就對住窗出面大嗌抗議口號[1][2]，互相呼應，再喺十點一個骨、搭半同三個骨重覆再嗌。呢個活動概念係參考1970年代開始喺瑞典出現嘅弗洛格斯塔咆哮（Elvavrålet）。9月頭，有網民用「開咗學，學生要早啲睏覺」做理由，希望提早一個鐘喺九點嗌，但未得到廣泛認同。
參考
- ↑ wing (2019-08-27)。〈【窗邊咆哮】青年雙親政治立場轉中立 家庭鄰里和諧〉。《流動新聞》。
- ↑ 〈港人發起每晚10點#窗邊咆哮〉。《美洲臺灣日報》。2019-08-23。
