窮
窮，又叫貧或者貧窮，卽係無乜錢無乜物。窮分絕對同相對，絕對窮係連條命都朝不保夕，連人基本所需都唔够，無乾淨水，唔够營養，有病無得醫，無書讀，衣不敝體，無瓦遮頭。相對窮係一國或社會之內，人有之物，去唔到當地接受水平。舊時人窮，多數因爲生產水準，養唔到咁多人。自有工業之後，工廠係生產得够世界之用。而肥田料，機器，令種田够養全世界人。
家下重有人窮到基本都唔夠，皆因政府效率不彰，分配唔到畀有需要嘅人，欠債、貪污、技術人才流失，都係原因。政府改善施政，福利、經濟自主、援助等，都係解決人窮嘅方法。世界銀行、聯合國等，都致力扶助窮人。
有啲係特登過清貧生活，呢種人叫苦行者。通常都係因爲宗教而爲。
嚮資本主義社會有錢就好，不過嚮中國幾十年前（中華人民共和國成立之前）認為「越貧越光榮」。
字
[編輯]貧窮二字，經常並舉，然而字義有啲差別。貧係欠缺，微薄。而窮係盡頭，絕境，山窮水盡。