《第二人生》（英文：Second Life），係香港電視網絡拍嘅電視劇，由劉浩龍、尹子維、鄧建明、雷有暉、趙學而、何紫綸、陳霽平、陳穎妍、郭鋒、黃文慧、王青、陳曼娜領銜主演，喺2012年6月開拍。
人生存咗幾十個年頭，到咗中年，總係因為生活壓力、挫折而抱怨，只會為過去錯失嘅機會而追悔，不過噉樣無夢嘅人生、好似一條鹹魚噉嘅生活又有乜用？劇中主角喺經歷人生低潮時因緣際會下得到改變歷史嘅機會，但係歷史改寫之後，人生並冇變得更美好，噉樣令主角明白到，與其懊惱過去，不如趁住而家，做好自己。
