第12屆砂拉越州選舉

第12屆砂拉越州選舉（英文：2021 Sarawak State Election）（馬來話：Pilihan Raya Negeri Sarawak 2021）喺2021年12月18號舉辦，選出第19屆砂拉越州議會全體成員。

本來第18屆砂拉越州議會要喺2021年6月7號自動解散，但由於武漢肺炎疫情同馬來西亞政治危機等因素，馬來西亞聯邦宣布一度宣布進入緊急狀態，選舉被延後。

2021年11月3號，最高元首蘇丹阿都拉宣布砂拉越州緊急狀態將提前結束，並已喺憲報上刊登。噉意味住砂拉越政府已成為看守政府，而第十二屆砂拉越州選舉將喺60日內舉行。砂拉越州係繼沙巴州同馬六甲州之後，第三個喺武漢肺炎疫情期間舉行州選嘅州。

2021年11月24號，喺經過馬來西亞選舉委員會嘅討論之後，選舉委員會主席拿督阿都干尼喺新聞發布會上表示砂拉越第十二屆選舉提名日定喺12月6號，而投票日係12月18號，競選期12日。提前投票日就係12月14號。此外，拿督阿都干尼亦表示呢次選舉嘅標準作業程序（SOP）將由衛生部、國安會。警方以及砂災難管理委員會共同製定，並會喺制訂完成後宣布。

2021年12月18號，砂拉越政黨聯盟攞到76席，成功執政砂拉越州。砂拉越政黨聯盟主席阿邦佐哈里正式宣布就任第7任砂拉越首長。