筒

筒，本寫筩，容器一種，或形狀一類，通常講身長中空嘅，多數有底，同管似。筒原本為竹器，起自斬斷支竹來做器物，亦即竹筒。然而筒用途非常之多，亦唔限於竹，因而唔少嘢都以筒而名。初頭筒就似竹咁闊，後來鑄造之物，圓柱體咁，都叫筒。圓柱體，有時亦叫筒形。

佢原字為筩。說文「筩、斷竹也。」而「筒、通簫也。」筒本義為洞蕭。後來筩嘅意思，拎咗筒字來寫。

筒、桶同音，有時亦會相混。桶多數指大嘅容器，尤其載水油之類。由此，筒桶都各自固定寫法。

古時用法

戰國時有用來裝酒，韓非子說疑咁寫「數日不廢御觴、不能飲者以筩灌其口。」可以筩用來裝酒。

箸筩即今日筷子筒。說文「一曰宋魏謂箸筩為䈰。」

筩裝住化妝之物，以防香氣散逸。急就、「賁薰脂粉膏䐾筩。」