管叔鮮（粵拼：gun2 suk1 sin1，？—前1039年），姓姬名鮮（粵拼：gei1 sin1）。係周文王三子，周武王嘅細佬。佢喺三監之亂時反抗周公，被殺[1]。
周武王十二年（西元前1045年），商朝滅亡。佢由武王分封於管（家下河南省鄭州市老城區），主要目的即係負責監管殷商時期嘅先民。武王死咗之後由年幼嘅成王繼位，以周公代理攝政。就似係咁，佢同細佬蔡叔、霍叔同紂王個仔武庚發兵叛變；而且以「清君側」之名意欲聲討周公，史稱「三監之亂」。
