米利都學派

出自維基百科,自由嘅百科全書
跳去導覽 跳去搵嘢

米利都學派[1]前蘇格拉底哲學嘅一個學派,由古希臘學者泰勒斯創建,佢亦被譽為西方哲學嘅開創者。米利都學派開創咗理性思維嘅方式,呢個方式嘗試以觀測嘅方式去理解世界,而唔係用古希臘神話嚟解釋世界。

米利都學派嘅學者大多出身於米利都,佢係位於古希臘伊奧尼亞地區嘅海港城市,著名嘅哲學家有泰勒斯、泰勒斯嘅學生阿那克斯曼德阿那克斯美尼等。

米利都學派嘅研究範圍主要集中喺萬物嘅本源。泰勒斯認為萬物本源係水,而阿那克斯曼德就認為係無限(希臘文:ἀπείρων)。阿那克斯美尼認為世界本源係氣體,佢嘅理解係唔同形式嘅物質係通過氣體聚同埋散嘅過程產生。

睇埋[編輯]

參考文獻[編輯]

  1. "米利都學派". 西方哲學史 (繁體中文). 互聯網: 天榮基金會.CS1 maint: unrecognized language (link)