米拉·艾麗雅娜·慕克里
米拉·艾麗雅娜·慕克里（馬來話：Meera Alyanna binti Mukhriz，暱稱Ally Mukhriz，1995年6月13號—）係馬來西亞第四同第七任首相馬哈迪嘅孫女、吉打州第11任同第13任州務大臣慕克里·馬哈迪嘅女。畢業於英國倫敦大學[1]。
2020年8月21號，艾麗雅娜同老公喺酒吧消遣，因抵觸復原行動管制令而俾警察拉咗[2]。
個人生活
[編輯]2019年4月23號，艾麗雅娜被選為馬來西亞知名服裝設計師李坤輝（Khoon Hooi）喺嗰年開齋節系列設計嘅代言人。對於成為李坤輝2019年金色開齋節時裝週嘅模特兒，艾麗雅娜表示非常榮幸，亦感謝對方選擇同相信佢能夠勝任呢系列服裝[3][4]。
2020年2月20號，艾麗雅娜同阿茲拉（Ezran Daud Cheah）成婚，婚禮同晚宴分別喺首都住家同武吉端姑酒店舉行，馬哈迪夫婦都有出席[5]。
艾麗雅娜亦經常活躍於社交媒體Instagram，佢喺Instagram有超過20萬名追隨者。
事件
[編輯]違反復原行動管制令被捕
[編輯]2020年8月21號，艾麗雅娜同老公喺酒吧消遣，因抵觸復原行動管制令而俾警察拉咗。佢老豆慕克里·馬哈迪事後證實呢件事，並感謝吉隆坡警方採取嚴厲同公平嘅行動[6]。
8月28號，艾麗雅娜透過社交媒體Instagram發文承認自己因為出席一場生日派對而俾警方拉咗，並為自己嘅行為道歉[7][8]。唔少網民留言，對佢肯承認犯錯嘅態度表示讚揚，「慶幸你冇濫用你爺爺（指前首相馬哈迪）嘅權力」，「至少你肯認錯，嗰位部長（指原產業部長莫哈末凱魯丁）太令人失望喇」[9]。
屋企
[編輯]- 老豆：慕克里·馬哈迪
- 老母：Norzieta Zakaria
- 老公：Ezran Daud Cheah
- 兄弟姐妹：Melia Serena binti Mukhriz、Misha Hakeem bin Mukhriz
- 爺爺：馬哈迪
- 阿嫲：茜蒂啊斯瑪
參考
[編輯]- ↑ 〈男友求婚 敦马孙女答应了 国内〉。《東方網 馬來西亞東方日報》 (簡體中文)。喺2021-05-11搵到。
- ↑ 邓开平, 文 /。〈马哈迪孙女在夜店违反复管令被罚款认错 早报〉。www.zaobao.com.sg (英文)。喺2021-07-21搵到。
- ↑ 〈敦马孙女为大马服装品牌代言〉。www.sinchew.com.my。喺2021-05-12搵到。
- ↑ 〈代言開齋節系列服裝 敦馬孫女當糢特兒〉。《光明日报》 (臺灣中文)。喺2021-05-12搵到。
- ↑ Chalil, Melanie. "Dr M's granddaughter Ally Mukhriz gets married, shares cute photo eating instant noodles in wedding outfit Malay Mail". www.malaymail.com (英文). 喺2021-05-12搵到.
- ↑ 〈慕克里兹证实 女儿女婿酒吧消遣被捕 国内〉。《東方網 馬來西亞東方日報》 (簡體中文)。喺2021-04-01搵到。
- ↑ 〈酒吧狂欢至凌晨违SOP 敦马孙女发文认错 国内〉。《東方網 馬來西亞東方日報》 (簡體中文)。喺2021-05-12搵到。
- ↑ 張, David (2020-08-29)。〈酒吧狂欢违SOP 敦马孙女认错〉。《马来西亚诗华日报新闻网》 (中國中文)。喺2021-05-13搵到。
- ↑ 〈酒吧狂欢至凌晨1点半 · 敦马孙女发文认错〉。www.sinchew.com.my。喺2021-05-13搵到。