粉末

粉末，又叫粉或末，有時比喻為塵，講物質好細固體，固體整碎到好細好細，細細一堆。乾身，搖佢郁佢或者會流動。粉末大細在粒之下，粉末經已好難整到更細。粒通常唔會結成一嚿，但粉末係易啲會。

麪粉、珍珠末、火藥之類，都係粉末。

粉末密度可，可大可小。壓佢就密啲實啲，相反就鬆啲散啲。會結成一嚿，皆因粉同粉之間，有范德華力拉埋。若果係粒呢，都有范德華力，不過本身范德華力太弱，粒本身嘅重量同慣性都遠大於佢，所以唔易結成一嚿。

若然粉末散於空中，整體表面積大過平時固體，方便化學反應。若本身燒得着，一着火就會爆炸。好似鈦粉咁，就會大爆炸，好危險。