細拉

細拉（希伯來文：סֶלָה，羅馬化：selah）係古時希伯來文嘅音樂符號，喺《舊約聖經》之中《詩篇》出現過71次，《哈巴谷書》第3章出現過三次，《詩篇》嘅寫作者以歌唱，並配樂嚟敬拜上帝，喺音樂進行中有稍息、暫停，然後繼續演奏或演唱。所以一般認為「細拉」係休止符，表示默想、停頓或配樂中嘅「過門」。

含意

「細拉」嘅真正含意現今已經無從稽考，根據推測可能有以下幾種：

• 指示歌唱者同樂隊用強音或漸強音。
• 喺敬拜中提示會眾舉手或提高聲量，或提示祭司祝福嘅信號。
• 類似片語「阿們」意思即係「誠心所願」或「哈利路亞」意思即係「讚美上帝」。
• 由站姿朗讀改為跪下朗讀，或者由跪下朗讀嘅姿勢改變為站姿朗讀。