經方

經方（粵拼：ging1 fong1）係中醫術語，有兩種意義，第一係醫家響治療過程中發現有實際療效嘅「經驗之方」，另一種係張仲景所寫嘅兩本書《傷寒論》、《金匱要略》中使用過嘅「醫經之方」。

喺明清之前，經方主要係「經驗之方」，喺漢朝時曾經存在嘅經方派亦都係前者。喺清朝初期出現另一個尊古嘅經方派，佢哋聲稱張仲景使用過嘅方劑係「經方」，而後世醫家同溫病學派設計嘅方劑即係「時方」，佢哋推崇使用經方而貶低時方。因爲噉，所以而家中醫界所講嘅經方，就係張仲景醫經之方。