維管束植物

維管束植物

維管束植物，植物分類一種，為植物之中至大分支，過三十萬品種。特別之處，有維管束組織，分木質部同韌皮部。木質部組織有木質素，送水送礦物質至全樖。韌皮部組織無木質素，光合作用之時，送成品到各部份。佢之所以叫維管束，皆因木質部、韌皮部都係管來，內裏一條條咁，將啲嘢送來送去，管合成束。維管束植物亦寫做維管植物。

現時維管束植物包括石松、木賊、蕨、裸子植物同埋被子植物。裸子植物即松柏等針葉植物之類，同銀杏之類等等，被子植物即有花植物之類。

現今分類上，維管束植物為進化支，西方學名tracheophytes，取自希臘文 trachea，管之意。英文稱為Vascular plant，取自拉丁文 vasculum，管之意。有啲分類視佢為維管束植物門。對上進化支為多孢植物。維管束植物進化出種子植物，其他餘下就稱為無種子植物。