網絡劇

網絡劇（英文：web series），簡稱網劇，即係喺互聯網或最開始係喺互聯網播放嘅劇集。網絡劇嘅播放一般係基於影片網站嘅支持。網絡劇擁有廣泛受眾，而且題材都更加闊，而且唔受時段影響，觀眾可以係自己得閒既時間先睇，等等嘅優點。除左現有嘅影片網站推出網絡劇外，依家都有唔少電視台同影片網站合作拍網絡劇，甚至中國入面有一啲商業組織都開始同影片平台合作拍網絡短劇，目嘅係吸引觀眾成為佢地未來嘅客戶，或者做直接宣傳。網絡劇最早出現係1990年代後期，並係2000年代初寬頻普及之後變得受歡迎。

網絡劇因有串流影音平台嘅加持，先後打破左觀眾對實體DVD嘅租/買、有線電視同埋入戲院睇電影嘅行為模式，2020年開始，因受到新冠肺炎嘅影響，唔少提供網絡劇嘅串流平台亦同時掘起。網絡劇嘅成功亦可以話因為片長同埋有彈性嘅觀看時間，用戶唔洗坐定定係某個地方，或者指定時間就可以煲劇，而且可以容易分享比身邊嘅朋友。

歷史

要講網絡劇嘅發展主要因為OTT (Over-The-Top) 嘅技術發展，OTT 有別於傳統嘅有線電視或衛星電視，只要連到網路就可以睇到電影、電視劇，以及後來冒起嘅網路劇集。公認嘅第一部網絡劇係1995年在美國推出嘅《The Spot》，佢係一部類似肥皂劇嘅劇集，透過網站播出，融合左影片片段、照片同人物網誌嘅元素。

徹底改變全球影片分享同消費方式嘅平台可以話係YouTube，2005年2月14日時創立嘅原意係比人可以上傳自己影片進行約會配對嘅平台，之後慢慢發展成為為影片分享平台。

1997年經已成立嘅Netflix，由實體 DVD 出租業務起家，2007年再轉型網路訂閱制，從零開始開發全新嘅串流媒體業務，進一步推動網絡劇發展，最後更加投資係原創內容創作，成為全球最大嘅網絡電視劇、和電影製片廠商之一。

多家串流影音加入戰場

作為串流平台的祖師爺，全球用戶數最多的影音串流平台之一的Netflix，曾公布突破3億付費訂閱戶，單季新增1900萬訂閱用戶，佢地串流影音上獲得成功之後，有更多競爭者想係呢個行業入分一杯羹，不乏本身已經係電影龍頭的迪士尼亦推出Disney+，利用本身行業優勢，帶比用戶除左自家劇集外，上映 Marvel 漫威、Starwar星戰、Pixar 皮克斯等強大影視IP。

網絡劇係各地嘅發展

韓國

Netflix 積極投入韓國影集和電影嘅發展，2023 年宣布將推出 34 部韓國內容嘅片集，係未來四年額外投資 25 億美元。隨住網絡劇嘅觀眾愈黎愈多，傳統嘅影視業亦陸續新增專門針對網絡劇嘅獎項，希望表揚優秀嘅網劇，例如：全球OTT大獎、青龍系列大獎(2022年首頒)

韓國服務嘅網上影片串流平台有：Apple TV、Coupang Play、Disney+、Kakao TV、Netflix、TVing、Watcha、Wavve等等。

中國

由於Youtube唔夠能係中國公開使用，網絡劇係中國嘅發展相對上遲一啲，亦誕生左其他串流平台好似優酷咁，優酷支援長達一個鐘嘅影片，其後發展出同電視台合作同步播出劇集。 網絡劇不同傳統意義上嘅影視劇，唔洗通過嚴格嘅審查，佢嘅開放性同低門檻就提供左一個多樣性平台比大小製作商。

中國國服務嘅網上影片串流平台有：騰訊視頻、優酷 (Youku)、芒果TV (MangoTV)、嗶哩嗶哩(Bilibili)、愛奇藝 (iQIYI) 、西瓜視頻等等，有趣嘅係中國同時係近年發展出短劇 (微短劇) ，亦有一系列專做短劇同豎屏劇集的APP：抖音、紅果短劇。

國際

2013年Netflix旗下嘅《紙牌屋》等劇集獲得了首個黃金時段艾美獎原創網劇提名，《紙牌屋》同時奪得最佳導演獎，標誌住網絡劇係國際上獲得了重要認可。

平台包有：Disney+、Netflix、Prime、ReelShort、FlickReels、Dailymotion、DramaBox等。