織女星

  「天孫」跳轉到呢度。想搵同名嘅山，請睇「泰山」。

圖中至光係織女

織女星（粵拼：zik1 neoi5 sing1），唐天文叫織女一，或者就叫織女，係一恆星。西方天文叫天琴座α星（Alpha Lyrae，減筆α Lyr，α Lyrae)，亦有名維加（Vega）。佢喺星空之中，零舍耀眼，皆因佢係第五光嘅星，目視星等有去到百分之三，差唔多到零。織女星係星官織女之中最光，天琴座至光。織女星算近地球，約莫廿五光年左右。唐人上古就有牛郎織女傳說，織女就係天帝孫女，所以亦叫天孫。

西方天文有所謂夏天大三角。夏夜之中，喺云云眾星中，織女星同牛郎、天津四，至爲耀眼。三者合成三角，係夏日睇星指標。而唐人就牛郎、織女同銀河，編成傳說。牛郎同織女，隔住天河，卽係銀河。牛郎河西，織女河東。

洋星名維加，源自阿剌伯，意爲光鷹。出自古埃及或者古印度。

織女星白帶藍，比太陽重，質量有太陽嘅兩倍又十分之一。星重命短，只有太陽十分一。粒星會自轉，而且都幾急，赤道計，速度每秒廿七萬四千米。而且會變光，是變光星。