織田哲郎

織田哲郎（粵拼：zik1 tin4 zit3 long4；日文；おだ てつろう^{Oda Tetsurō}、1958年3月11號—）係日本出名男作曲家，原名濱田哲郎，響東京都出世。

經歷

佢細個一直住響東京都，後嚟因為老豆係國鐵員工嘅緣故，所以佢十三歲個陣搬去英國倫敦到住，響個度佢聽咗好多西方音樂，對佢後嚟嘅音樂生涯影響好大。佢響十五歲返翻日本，之後搬去佢老豆出世嘅地方高知市。不過因為老豆個份工搞到佢要經常轉校，所以佢響學校畀人蝦，令到佢一度好想自殺。有一次，當佢想自殺嘅時候，突然聽到由艾頓莊唱嘅一首歌《YOUR SONG》，聽完之後佢受到首歌影響，決定唔自殺。

後嚟，佢先讀高知學藝高等學校，之後轉校去東京都立大學附屬高中，而大學就讀明治學院大學社會部。