羅德泉

羅德泉，前香港裁判官、國安法指定法官。因為多次負責審理香港政府對民主派人士嘅政治檢控案件，當中一啲決定被指不恰當、越權同偏袒政府，甚至令政府唔洗展示證據都可以告人，俾一啲公眾批評。

爭議

鄒幸彤支聯會案越權同偏袒香港警察

香港警察國安處喺2021年指控支聯會屬「外國代理人」，引用未經諮詢或香港人同意之下訂立嘅《國安法》要求支聯會提交喺香港嘅資產、收入來源同開支等資料，但遭到支聯會多名常委拒絕，之後警方拘捕咗佢哋。去到2022年6月29號，前支聯會副主席鄒幸彤要求控方披露支聯會屬於乜嘢外國組織嘅「代理人」並提出有關證據，否則無從抗辯。但羅德泉就拒絕申請，令控方唔使展示證據都可以繼續檢控，又話辯方要點反駁係辯方嘅事。

另外，鄒幸彤曾經申請解除呢單案嘅報道限制，亦被羅德泉拒絕鄒遂入稟高等法院。鄒幸彤之後申請司法覆核，國安法指定法官李運騰之後頒書面判詞指羅德泉嘅決定越權，涉及好多問題都無考慮，並下令廢除有關決定。