羅馬短劍

羅馬短劍（拉丁文：Gladius），又叫古羅馬軍用短劍，係一種喺前3世紀到3世紀，古羅馬步兵用嘅劍。喺拉丁文入面，gladius係劍嘅通稱，只要係劍，都可以叫gladius。

最早嘅羅馬短劍同古希臘人用嘅希臘短劍差唔多。不過自前3世紀羅馬軍隊採用咗一種，以喺布匿戰爭期間，喺古西班牙忠於迦太基嘅蓋爾特伊比利亞人用嘅劍，改造而成嘅武器，叫做古西班牙型劍（拉丁文：gladius hispaniensis）。久而久之，羅馬人根據羅馬軍隊打仗嘅方式，改造呢種武器，整出咗好多變體。公元前 20 年，緬恩斯羅馬短劍（以喺德國發現嘅羅馬劍命名）取代咗古西班牙型劍，之後龐貝羅馬短劍又取代咗前者。喺3世紀，羅馬重步兵唔再用羅馬短劍，轉用羅馬長劍，而羅馬短劍就留俾輕步兵用。