羊肉

出自維基百科,自由嘅百科全書
跳去: 定向搵嘢
羊肉
羊肉串
兩卷羊肉甩餅
垂直旋轉燒羊肉,切片食用。

羊肉係指身上嘅,古時叫做羖肉、羝肉、羯肉,深得世間好肉之人歡喜。細過一歲嘅羊叫做羔羊,以此烹調出羔羊肉。

肉質[編輯]

羊肉質地似牛肉,不過味更濃。羊肉肉質細嫩過豬肉,脂肪膽固醇就少過豬同牛。由於羊肉有一朕膻除,故此有啲人唔鍾意食。

分類[編輯]

英國羊肉
部分英國羊

羊肉有山羊肉、野羊肉、綿羊肉。

《本草》孟詵曰:「河西羊最佳,河東羊亦好」。

清異錄》:「馮翊產羊,膏嫩第一,言飲食者推馮翊白沙龍。」《清異錄》又載,武後鍾意食冷羊肉,特賜張昌宗冷羊肉,並附札稱:「珍郎殺身以奉國」。

喺中國嘅甘肅慶陽同蘇州嘅藏書等地,都出產優質嘅羊肉。

營養同功效[編輯]

中醫[編輯]

羊肉係冬季進補嘅重要嘢食。

唐代虛詵嘅《本草食療》度,記載「凡味與羊肉同煮,皆可補也。」

本草綱目》記載,「羊肉能暖中補虛,補中益氣,開胃健身,益腎氣,養膽明目,治虛勞寒冷,五勞七傷」。

羊肉喺《本草綱目》度稱為元陽、有益氣血嘅溫熱補品,可以去濕氣、避寒冷、暖心胃,重有補腎壯陽嘅作用,用於腎虛腰疼、陽痿精衰、性瘦怕冷、病後虛寒、產婦餐後大虛或腹痛嘅輔助食療。佢所含嘅賴氨酸、精氨酸、駔氨酸、絲氨酸等必需氨基酸都高過牛肉、豬肉同雞肉。

羊肉嘅氣味較重,對胃腸嘅消化負擔都較重,胃脾功能唔好嘅人唔適宜食。同豬肉牛肉一樣,食得太多呢類動物性脂肪,對心血管系統可能造成壓力,所以羊肉都唔可以食得太多。暑熱天或發熱病人都要小心食用。